Charter Document - 05210098
| Charter Number: | 05210098 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1098 |
| Date type: | Internal, A.D. |
| Resource Link(s): |
|
Charter:
Anno millesimo nonagesimo VIII dominice Incarnationis Indictione VI domno et serenissimo Philipo in Galliis imperante facta est sinodus in sancta Lingonensi Ecclesia presidente in ea reverentissimo episcopo Roberto cum religiosis abbatibus et clericis nec non canonicis eiusdem Cum supra dicta sancta sinodo consilium cepit qualiter res sancti Stephani prothomartiris Divionensis Ecclesie nimium annichilatus in melius restaurari posset Impertivit canonicis ipsius Divionensis Ecclesie qui in ea Domino famulari solebant quasdam res et ut ibi perpetuo sine alicuius diminutione vel subtractione permanere possent scripto sue auctoritatis confirmavit Que res sunt site in pago Divionensi et Oscarensi iuxta castrum Divionense in villa que dicitur Aqueductus capellam cum paratis et eulogiis In villa quoque Quintiniaco et Siliciaco dedit supradictis canonicis capellas et paratas et quecunque ad ipsum pertinebant insuper et quicquid habebat in Ecclesia sancti Michaelis que sita est iuxta muros ipsius castri et in Ecclesia sancti Stephani prothomartiris que est intra muros necessitatibus eorum largitus est Signum Guilenci archidiaconi Gocelmi archidiaconi Emmalrici archidiaconi Varnerii archidiaconi et abbatis eiusdem loci Signum Vidonis archipresbiteri