Charter Document - 05210070
| Charter Number: | 05210070 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1040 |
| Date type: | Assigned |
| Resource Link(s): |
|
Charter:
Hec est carta quam fieri fecit Raimotdis uxor Vuidonis Crassi de Longo Campo de honore quem habebat apud Quintiniacum in nemoribus et plano Dedit etenim supradicta Raitmodis beato Stephano et fratribus eiusdem loci pro amore Dei et remissione peccatorum suorum et pro animabus antecessorum suorum et ut Deus custodiret filium suum qui Iherosolimam ibat hunc honorem et insuper Grivolt et progeniem suam propter hoc canonici dederunt ei et marito suo IIII libras denariorum Signum Hugonis de Marchiaco Signum Widonis de Gilliaco et Aldonis militis Preterea Ulricus filius eiusdem domine dedit sancto Stephano quod habebat aput Sulliacum in uno manso et quod ad mansum pertinebat Unde habuit X solidos Signum Hugonis et ex parte canonicorum signum Oltranni et Rodulfi