Charter Document - 05210060
| Charter Number: | 05210060 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1020 |
| Date type: | Assigned |
| Resource Link(s): |
|
Charter:
In nomine Regis eterni et Salvatoris nostri Iesu Christi Ego Beraldus abbas et ceteri huius Congregationis sancti Stephani Divionensis Ecclesie notum sit omnibus hominibus qualiter pervenit ad aures nostras humillima deprecatio de quodam fidele nostro Richardo scilicet et Heldeberto ut illis concederemus aliquid ex terre sancti Stephani quam Vuarnerius levita tradidit pro remedium anime sue que est sita in pago Hoscarense sive in Divionense vel in villa que dicitur Patriniaco sive in fine Longoviaco nec non in villa Fontanas seu in vineis seu in campis ad perquirendum ea parte que ad se pertinere debet per suum quoque assensum et deprecationem ut suos vocabulos largiremus ob firmitatem tenendi Ad cuius humillimam deprecationem aures nostre inclinantes et devote suscipientes talique scilicet tenore ut uno quoque anno solvantur tempore vindemie de vini modium I ad mensam fratrum persolvant quatenus securius omni tempore vite illorum et unus heres que de illis procreati fuerint ipsam firmitatem habeant Et signatio de illis non fuerint procreati ad mensam fratrum revertit Et hec securitas omnique tempore firmiorem obtineat stabilitatis vigorem manu propria eam firmavimus et aliis hominibus firmare iussimus