Charter Document - 05210059

In Christi nomine eterni regis et Salvatoris nostri Iesu Christi ego Humbertus sacerdos et frater meus Sansonus scilicet et consobrinus noster Raginardus notum esse volumus qualiter pervenit ad aures nostre humillima deprecatio de quodam servo nostro nomine Wichelmo et infantibus suis et heredes illorum ut illis aclinemus sive donamus ad mensam fratrum sancti Stephani Divionensis Ecclesie pro remedium anime nostre vel parentum nostrorum et pro eterna retributione ut Deus omnipotens retributor sit nobis ante tribunal Christi in die iudicii eo scilicet tenore ut omnibus annis in festivitate sancti Stephani prope natalis Domini de suo capite ad mensam fratrum denarios III in censum persolvat et heredes sui que de ipsis procreati fuerint sive masculi sive femine denarios II ad ipsam festivitatem persolvant Et si neglegentes extiterint in duplum componant Si quis vero quod futurum minime esse non credimus si nos ipsi aut ullus de heredibus nostris qui contra hanc elemosinam sive donationem aliquid contradicere aut repetere voluerit non hoc valeat evindicare sed insuper ei cui litem impresserit uncias V de auro componat et sua reclamacio minime valeat Et hec elemosina omnique tempore firma stabilisque permaneat stipulatione subnixa Actum Divionis castri Signum Humbertus et Sanson nec non et Raginardus qui hanc donationem fecere et firmare rogaverit Signum Hugonis qui consensit Rotbertus Adaldo Amalgerio Landri Wicheram Raginerius Teutlanus Ego Eldulfus sacerdos scripsi et subscripsi Datavi die Martis mense Febro regnante Roberto rege annos XXIIII