Charter Document - 05210044
| Charter Number: | 05210044 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 0954 - 0969 |
| Date type: | Assigned |
| Resource Link(s): |
|
Charter:
In nomine summe et individue Trinitatis ego Achardus sancte Lingonensis Ecclesie humilis episcopus notum esse volo omnibus maximeque Ecclesie nostre filiis et fidelibus quod dum in gremio matris Ecclesie nobis a Christo commisse residerem et de statu eiusdem Ecclesie una cum consilio et voluntate nostrorum fidelium quatinus Domino auctore in melius augmentaretur sinceriter investigando perquirerem inter plura qui tunc temporis mihi stabiliendo difinivimus ecce adiit serenitatis nostre obtutus quidam noster fidelis Teudo abbas et archidiaconus humili efflagitatione nostram exposcens serenitatem quatinus eam partem de Ecclesia Ville Neronis que ad iuris dominium pertinet Ecclesie sancti Stephani Divionensis castri Rotberto sancti Manmetis canonico suoque nepoti Unenco cum consilio et voluntate canonicorum in eadem Ecclesia famulantium per auctoritatem nostrorum apicum pie et misericorditer non dedignaremur Cuius vocem iuste implorationis benigniter suscipientes et eius obsecrationem in aures nostre dignitatis inclinantes voluntatem illius iuste petitionis ad effectum perducere studuimus concedentes et condonantes predicto Rotberto suoque nepoti sicut supra exaratum habetur eam partem que ad rationem pertinet sancti Stephani cum decimis sibi aspicientibus faventibus nostris fidelibus et consentientibus eiusdem Ecclesie canonicis ea videlicet auctoritate parilique tenore ut quamdiu advixerint ambo prefinitas res teneant et possideant ipsamque Ecclesiam que videtur esse consecrata in honore sancte Marie secundum virium suarum qualitatem quantum ad partem Ecclesie pertinet in melius in condignis famulantibus corrigere et instruere non pigeant debitumque servitium quod nobis debetur statutis temporibus nobis nostrisque ex auctoribus persolvere non tardant Decernando etiam stabilivimus ut si quis alterum supervixerit absque ullius inquietudine et contradictione ex predictis rebus dominator et possessor existat denique ne ab aliquo successore nostro seu fraudatore hec pietatis clementiam in reliquum corrumpatur si semper in Dei nomine tutiorem obtineat firmitatis vigorem hanc securitatem nostrarum litterarum eis facere iussimus quam manu propria roborantes nostrorum fidelium manibus firmandam tradidimus Signum Achardi episcopi Signum Teudo archidiaconus Signum Teudo Signum Undricus levita Signum Aymo Signum Beraldus prepositus Signum Berlibodus Signum Oricus Signum Valterius Signum Rodulfus Signum Constantius Signum Remigius Signum Adalaldus Ego Vuermantius levita indignus hanc scripturam scripsi et subscripsi Datum XIII Kalendas Iunij regnante Lotario rege