Charter Document - 05210036
| Charter Number: | 05210036 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 0934 |
| Date type: | Internal, Calendar, Regnal |
| Resource Link(s): |
|
Charter:
Cum in cunctis legitimis largitionibus idonea sint adhibenda testimonia ob secularium tantorum diversitates necesse est ut quod unanimis concedit assensus scripturam commendetur titulus ne postmodum callidorum possit obviari versutiis Quamobrem ego Hericus divina propitiante miseratione humilis Lingonensis Ecclesie episcopus notum esse volumus omnibus Dei et sancte Ecclesie fidelibus tam presentibus quam et futuris quoniam canonici Ecclesie prothomartiris Divionensis castri venerunt ante obtutus nostre serenitatis proclamantes se ex decimis Abbatiole sancti Martini quas Ricardus noster fidelis tirannice crudeliterque usurpabat et illi ex antiquitate per auctoritates predecessorum nostrorum canonice tenebant et huc usque absque cuiuspiam velatione possessos habent quorum proclamationem benigne suscipientes eorumque auctoritates libenter audientes causam huius rei diligenter exquisivimus et fideli nostro precipiendo iussimus ne se de iam dictis decimis intermitteret sed predictis canonicis quemadmodum decet frui nullo modo contradiceret Denique ut eum erga illos omni tempore benivolum habere quivissent per consilium domni Ratherii archidiaconi atque prepositi illius loci pro beneficio quod ipse tenebat muneribus studuerat placare placatumque pariter cum illis ante nos pro perfectione huius rei adducere Qui nostram adiens maiestatem humiliter deprecatus est ut fratribus prescripte Ecclesie Divionensis beneficium Abbatiole sancti Martini decimasque nostras ex parte concederemus et libellum securitatis eis facere iuberemus unde ad petitionem ipsius iussimus hoc nostre institutionis privilegium fieri cuius auctoritate concedimus ut supra signatam Ecclesiam cum decimis memorati canonici teneant et possideant et pro absolutione nostrorum peccaminum orare non negligant rebusque illius bene et pacifice diebus vite illorum potiantur et iure pastorali nullo contradicente vel impediente dominetur Ergo ut hec nostra institutio pleniorem in Dei nomine obtineat firmitatem manu nostra eam firmavimus et fidelibus nostris corroborandam tradidimus Signum Hyricus sancte Lingonensis Ecclesie humilis episcopus in Christi nomine roboravi et subscripsi Albertus prepositus subscripsi Signum Arnaldus decanus Signum Vuandelmarus Signum Vuineranus Signum Vualdricus Signum Ysoardus Signum Bero Signum Arnaudus archidiaconus Signum Amerlannus archidiaconus Signum Oricus Signum Berno Signum Ricardus qui consensit Signum Ricardus levita Signum Vuinandus levita Ego levita indignus hanc securitatem dictavi et subscripsi VI Id Aprilis anno XI regnante Rodulfo rege