Charter Document - 05210031
| Charter Number: | 05210031 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0900 |
| Date type: | Assigned |
| Resource Link(s): |
|
Charter:
Sacrosancte sancti Stephani Divionensis et canonicis ibi Domno famulantibus nos in Dei nomine socii et cum fratres illorum Guandericus et Alcherius presbiteri pro amore Dei et sancti Stephani vestraque dilectione et animarum nostrarum salute donamus vobis donatumque ut in perpetuum maneat esse volumus hoc est in pago Belnense in fine et in villa Mudeliaco ego quidem Gandelricus duos iornales de vinea scitos in monte Moduno in loco quem dicunt Moreni Suulu similiter et ego Alcherius dono vobis in eodem monte Moduno alteros duos iornales de vinea Hec vobis ea ratione donamus ut sitis memores nostri post obitum nostrum et in die depositionis nostre gratam exinde refectionem habentes pium orationum officium animabus nostris impendatis Ego etiam Guandericus vendidi vobis in predicta villa Mudiliaco et in eius fine mansum I cum supraposito et uno molendino et quicquid in ipsa villa et eius fine habere visusum aut de patre aut de matre mihi ibi remansit aut per aliquod ingenuum ibi conquirere potui in campis vineis olcis pratis silvis pascuis aquis aquarumque decursibus exis et regressis omnibusque per exquisitis rebus et acceptis a vobis precium valente in argento vel in aliis causis solidos CCC Propterea per ipso pretio easdem res per hanc venditionis cartam vobis donavi et tradidi et de meo iure et dominatione in vestram potestatem et dominationem transfudi ita ut quicquid ex inde a die presenti pro communi utilitate facere volueritis liberam et firmissimam in omnibus et in Dei nomine habeatis potestatem nullo contradicente Si quis vero quod fieri non credo ego ipse aut ullus de heredibus meis vel proheredibus aut alia quelibet opposita persona contra hanc donationis et venditionis cartam venire vel aliquid repetere aut calumpniam generare presumpserit non valeat evindicare quod repetit sed inferat vobis utrisque partibus una cum socio fisco auri libras V quod coactus in multa componat et hec nichilominus donatio et venditio ista omni tempore firma et stabilis permaneat stipulatione subnixa Actum Divione castello publice Signum Guanderici et Alcherii presbiteri qui hanc donationem et venditionem fieri et firmari rogaverunt