Charter Document - 05210026
| Charter Number: | 05210026 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 0900 |
| Date type: | Assigned |
| Resource Link(s): |
|
Charter:
Vuarnerius decanus Vuibertus Archenboldus Vulfremannus atque Rodericus presbiteri nec non et ceteri fratres inibi Deo et protomartiris Christi Stephani devote et benigne famulantes dignum fore diximus notificare omnibus nostro in loco degentibus maximeque illis quos viscera paterne pietatis habere dinoscimus qualiter veniens pius et venerabilis pater domnus Ratherius eiusdem congregationis fronimus primicerius nec non et fax omnibus ad bona currentibus ante nostros obtus humiliter deprecatus est nostram serenitatem ac benignissimam fraternitatem ut ei quasdam vineolas que pertinebant ad nostram mensam causa beneficii ad sensum per instrumentum litterarum concederemus Ad cuius humilimam deprecationem aures nostras comuniter accomodavimus atque non honerosam sed potius facillimam eius postulationem devote suscepimus dignum fieri iudicamus quod flagitabat et ad effectum perducere hec que petebat quod et fecimus Dedimus iam prenominato spirituali patri nostro atque preposito domno Ratherio pro communi totius nostre congregationis utilitate et ut haberet unde potius et melius inter nos conversare nobisque quos fovere et administrare ut pote piissimus rector ea que necessaria adesse videntur debet servire quivisset quasdam petiolas vinearum que nobis pro absolutione peccaminum predecessorum nostrorum largite fuerunt et ut ipse nobis ex suis daret ut de in reliquum letaremur eo scilicet tenore ut quamdiu ei vita comes fuerit inde fructum legat et in melius ea que dirupta et pene ad nichilum redacta esse videntur restaurat et secundum suum valere immelioret et annis singulis in diebus anniversariorum illorum quibus fuerint caritatem absque ulla retardatione fratribus ostendat et in futuro ipse aliquam mercedem pietatis pro se et pro illis pro eorum expiatione hec obtulit ab ipso domno recipiat Sunt autem ipse petiole vinearum site in comitatu Oscarense et in villa que dicitur Copiacus est vineola que fuit Achini et in Patriniaco illa que fuit Rotberti et in campo Luvino alia petiola in Polliaco vero alia que fuit Alexandri in Funtanas alia illarum quam Genulfus dedit in eadem quoque villa alia quam Vuillelmus fratribus largitus est et in Aqueducto una ex ipsis habetur Has illi quemadmodum superius insertum est concessimus ut quamdiu advixerit teneat et possideat et post illius excessum cum omni in melioratione ad ius et dominium fratrum absque cuiuspiam hominis vetatione revertatur Si quis vero eas ab eorum mensa temere abstrahere conaverit maledictione eterne iudicis subiacetur et in iudicium non ad premium sed ad supplicium resurgat cum Datam quoque et Abyran catillatores nec non cum Iuda proditore Domini penas alti inferni sustineat et perpepualiter damnatur ibi finitenus lugeat Et ut hec nostra largitio firmiorem obtineat vigorem manu propria eam firmavimus et cunctis fratribus nostre congregationis firmandam tradidimus