Charter Document - 05210021

Sacrosancte Ecclesie sancti Stephani Prothomartyris Christi que est constructa in Divione castro ubi Helgaudus prepositus videtur esse et David decanus una cum congregatione canonicorum ibidem Deo servire Ego in Dei nomine Aubertus dum terrena possideo de celestibus cogitans pro remedio anime mee et pro eterna retributione atque ut ante tribunal Christi veniam peccatorum merear percipere cedo aliquid de rebus meis cessumque ut in perpetuum maneat esse volo hoc est in pago Oscarense in fine Longoviacense et in villa Mercenniaco vineolas septem quarum prima terminatur de uno latere et una fronte terra sancti Benigni de altero latere terra Rothaldi et de alia fronte terra sancti Petri habet in longo perticas agripedales VII in transverso de una fronte perticas IV in altera fronte perticas III pedes VI Secunda vinea terminatur de uno latere terra sancti Benigni de altero latus Benedictus tenet de una fronte de ipsa hereditate de altera fronte strada publica habet in longo perticas XIV per transversum perticas VIII Tertia vinea habet terminationes de uno latere et una fronte terra sancti Benigni de altero latere Arnaldus tenet de alia fronte via publica habet in longo perticas XXX in una fronte per transversum perticas IV in alia fronte perticas III et pedes VI Quarta vinea terminatur de ambobus lateribus ipsa hereditate in una fronte terra sancti Benigni in altera fronte strada publica habet in longo perticas XIII per transversum perticas IV Quinta vinea habet terminationes de uno latere et una fronte terra sancti Benigni de alio latere Ricardus tenet in altera fronte de ipsa hereditate habet in longo perticas XII per transversum perticas VI Sexta vinea terminatur de uno latere terra Amalrici de altero latere ipsa hereditate in una fronte terra sancti Benigni de altera fronte terra Heldebelni habet in longo perticas XXV per transversum perticas II Septima vinea terminatur de uno latere terra Heldeberni de alio latere terra Acledranni in una fronte terra sancti Benigni in altera fronte ipsa hereditate habet in longo perticas XII in transverso de una fronte perticas VI et pedes VI in alia fronte perticas V et pedes IV Infra istas terminationes et perticationes totum ad integrum dono trado atque transfundo et de meo iure et dominatione in potestatem supradictorum rectorum eiusdem Ecclesie transmitto atque transfundo ita ut quicquid exinde a die presenti pro communi utilitate facere voluerint liberam et firmissimam in Dei nomine habeant potestatem nullo contradicente Si quis vero quod fieri non credo si ego ipse aut ullus de heredibus meis vel proheredibus vel quelibet opposita persona contra hanc cartam donationis venire et calumpniam inferre temptaverit aut aliquid repetere non solum non valeat evindicare quod repetit sed inferat partibus rectorum ipsius Ecclesie una cum socio fisco duplum tantum quantum ipse res valuerint aut auri libras II quod coactus et multatus persolvat et hec nichilominus donatio ista omni tempore firma et stabilis permaneat stipulatione subnixa Actum Divione castro in altario sancte Stephani Signum Auberti qui hanc donationem fieri et firmari rogavit