Charter Document - 05210020
| Charter Number: | 05210020 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 0909 |
| Date type: | Internal, A.D., Regnal |
| Resource Link(s): |
|
Charter:
Anno Incarnationis Dominice DCCCVIIII Indictione XII cum ego sancte Lingonensis Ecclesie humilis episcopus Divione positus Agrimus eiusdem ecclesie causas et negocia una cum fidelibus nostris sollicite agerem et inspirante Domino ea que minus incedebant recto ordine pro viribus dirigere et emendare vellem inter cetera que ibi ad iuste rationis tramitem reduximus pervenit ad nostram noticiam reclamantibus canonicis Ecclesie sancti Stephani in predicto castello Divionis site quasdam res eiusdem Ecclesie aliquandiu ab eorum conmunione et mensa iniuste fuisse sublatas VII videlicet mansa in proximo pago Atoariorum in villa Acellis posita pro quibus et aliis indebite ablatis sibi mansis eorum communio paupertate non modica detineretur Petentibus igitur eisdem canonicis consulente etiam eorum preposito fideli nostro archidiacono Ratherio qui easdem res in beneficio retinebat sed et aliis fidelibus nostris in hoc ipso concordantibus considerantes rationis eorum iustam querimoniam pietatis et caritatis intuitu pro salute etiam et remedio anime nostre animarumque predecessorum et successorum nostrorum restituimus easdem res cum mancipiis utriusque sexus et quicquid ad ipsa octo mansa aspicit in terris pratis et silvis ac reformando reddidimus iamdicte Ecclesie sancti Stephani et mense canonicorum eo ratione tenoris ut quamdiu idem noster fidelis Ratherius advixerit ipsas res beneficii gratia retineat solvens annis singulis eisdem canonicis in censu et vestitura festivitate sancti Stephani solidum unum argenti Post discessum vero eius cum omni integritate sine ullius contradictione ad eiusdem Ecclesie sancti Stephani canonicos quacumque auctoritate fultis revocentur profecture deinceps eorum usibus et necessitatibus Oramusque et petimus ac per caritatem Sancti Spiritus obtestamur successores nostros quathenus ea que pro nobis eorumque salute et remuneratione stabilivimus inconvulsa manere permittant ut nostre operationis participes sint Nosque antecessorum nostrorum iuste Ecclesie episcopus subscripsi Geraldus peccator et humilis Sancte Matischonensis Ecclesie episcopus subscripsi Ego Rago hoc autoritatis decretum scripsi et subscripsi Datum die IIII ferie mense Iulio anno XIII regnante domno Karolo Francorum rege