Charter Document - 05210019
| Charter Number: | 05210019 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0906 |
| Date type: | Internal, A.D. |
| Resource Link(s): |
|
Charter:
Anno dominice Incarnationis DCCCCVI Indictione IX mense Septembri cum in nomine eiusdem omnium Salvatoris ego Argrimus gratia et misericordia eius humilis sancte Lingonensis Ecclesie Episcopus in eadem Ecclesiarum nostrarum matre residens coram presentiam abbatum archidiaconorumque sacerdotum canonicorum et monachorum et ceterorum totius ordinis nobis et ipsius Ecclesie nostre fidelium in publica diocesis nostre sinodo pro modo possibilitatis capacitatis et intelligentie nostre causarum Ecclesiasticarum negocia utilitates et rationes equo libramine pondera rem ponderata pertractarem proposita diligenter discuterem ac discussa legitimo fine stabilirem et que distorta videbantur in rectitudinis lineam adiuvante sancta Trinitate reducere satagerem Inter cetera sollicitudinum nostrarum studia et ea que ibi tandem sanctita et coram omnibus qui presentes aderant ventilata et correpta sunt Cum de quarumdam Ecclesiarum nobis competentium et indignitati nostre commissarum ruinis et destructionibus doleremus et quomodo stare ac reedificare possent quereremus ventum est ad Ecclesiam sancti martiris Vincentii que in Divione castro nostro sita nullius tamen diligentia custodiebatur cooperiebatur aut aliquo modo emendabatur sed rectore destituta pene iam ad nichil labatur Cui cum rectorem et restructorem querere cepissemus et quonam modo in meliorari posset peteremus fidelis noster et cooperator nostre voluntatis et filius Ecclesie nostre Ratherius archidiaconus noster una cum nepote suo nomine Aldefrodo libenter se obtulit dicens se si nostrum haberet adjutorium eam velle ad restaurandum suscipere et de propriis suis rebus secundum suam possibilitatem honorare Quod cum fecissent et eidem Ecclesie ex proprietate sua mansum unum sicut in carta donationis insertum est denominatum et exterminatum cum mancipiis in eo commanentibus presentialiter contulissent et de eo per instrumentum cartarum eadem sancti Vincentii revestissent Ecclesiam Ipsorum fuit petitio nostraque et omnium adherentium nobis consensus et voluntas ut nos quoque ex rebus auctoritatis nostre aliquid largi remus unde futuris temporibus eidem Ecclesia stare et aliquo modo melius subsistere posset Dedimus ergo ad eamdem Ecclesiam pro amore Dei et sancti Vincentij atque pro remedio anime nostre et omnium precedentium et subsequentium nos pontificum elemosina mansum unum cum mancipiis in eo cum manentibus et omnibus ad ipsum aspicientibus quod est situm in Fontanis villa miliare uno prope predictum Divionem castellum ipsaque res cum ipsa Ecclesia et alio supra posito atrioque adiacenti ipsis duobus Ratherio scilicet prefato fideli nostro eiusque nepoti concessimus Aldefredo ea causa et ratione ut ipsam Ecclesiam ad confugium et utilitatem suam habeant eam denique Ecclesiam studiose ornare et construere studeant ipsisque rebus dum ad vixerunt usu potiantur fructuario postque illorum discessum cum omni in melioratione ipsi Ecclesie profuture et [] sine ulli perpetualiter remaneant contradictione et ut hec libertatis nostre concessio firmum futuris temporibus obtineat stabilitatis vigorem manu nostra eam subter roborantes nostris quoque fidelibus firmandam tradidimus Agrimus sancte Lingonensis Ecclesie humilis episcopus hoc scriptum relegi et in Christi nomine roboravi