Charter Document - 05210010

Anno dominice Incarnationis DCCCLXXXVII anno quoque domni et serenissimi Karoli imperatoris augusti in Gallia imperantis II Indictione V XV kalendas Iunii sacer episcoporum conventus ob pacem et tranquillitatem sancte Dei Ecclesie instituendam et ecclesiastica negotia decernenda apud Ecclesiam sancti Marcelli martiris in suburbio Cavilonensi in Christi nomine coadunatus est ubi fuerunt domini et sanctissimi archiepiscopi Aurelianus Beroinus nec non et reverentissimi episcopi Adalgarius Geilo Stephanus Giraldus Adalbaldus et Isaac Geilo denique supra memoratus sancte Lingonensis Ecclesie reverendus antistes unacum suprascriptis patribus in hoc sacrosancto residens conventu eorum auribus intimavit qualiter inter cetera Ecclesie sue negotia res nimis exiguas et ex parte maxima inutiles ad usus canonicorum Deo et sancto Stephano infra muros castri Divionensis servientium reperisset qualiter etiam per consilium suorum fidelium tam clericorum quam laicorum Ecclesie iam memorati protomartiris ad necessaria queque canonicorum explenda qui in ea Deo famulari et divinum officium peragere videntur quasdam res ad vinum colligendum aptas ex ratione iam dicte Ecclesie reddidisset et ut ibi perpetuo sine alicuius diminutione vel subtractione permanere possent scripto sue auctoritatis nec non et precepto imperiali iam confirmatas habuisset Postea vero idem venerabilis episcopus supra memoratos dominos et sanctissimos patres cum quantis precibus potuit humiliter deprecatus est quatinus super addite res et relique quas antea habere ipsi canonici videbantur ut firmius futuris temporibus haberentur et ne alicuius temeraria presumptione infringi valerent privilegio sue auctoritatis corroborare dignarentur Que siquidem res sunt site in pago Divionensi et Oscarensi et Atoariensi infra muros Divion totum extra muros perticas XXIII et in villa Aqueductu mansa XIII cum capella et dote et decimis In villa Postumiaco mansa V et dimidium In villa Mervello mansa III et in villa Siliciaco capellam cum dote et decimis In villa quoque Quintiniaco capella cum dote et decimis Et in Patriniaco villa ad vinum colligendum colonice IIII que fuerunt ex beneficio Ursonis Vualdonis atque Balduini Est et ibi ex alia parte colonica dimidia et alie vineole ad modios XX et in villa Aguiliaco colonica una et in Cromaio colonica dimidia et in Aqueducto colonica dimidia Et bene ibi ex aumento domni episcopi colonos II Heldierio et Electeum et colonas V Belectrudi Teteldi Diadelma Gerbergia et Ingaltrudim Cuius saluberrimus et[f]flagitationibus supra scripti domni et sanctissimi patres aurem sue mansuetudinis accomodantes supradictam constitutionem per hoc sue auctoritatis privilegium confirmaverunt eo tenore atque confirmando sua episcopali sanctione statuerunt ut quemadmodum omnia supra scripta constituta et confirmata sunt ita et nos nostra canonica et episcopali confirmamus auctoritate Si quis autem temeraria sacrilegaque presumptione convictus atque ceca cupiditate cecatus hoc quod Dei et nostra confirmamus auctoritate in aliquo confringere presumpserit eterna se sciens damnatione multandum et cum diabolo et angustis eius sempiterno incendio concremandum atque cum Iuda traditore Domini et cum Datan et Abiron perpetua pena cremandum et insuper a liminibus sancte Dei Ecclesie et cetu omnium fidelium Christianorum tamdiu habeatur extorris donec ab inlicita presumptione resipiscens condigna peninentia emendatione et satisfactione iram omnipotentis Dei quam incurrere non timuit placare procuret Harum itaque sanctionum evidentissimam confirmationem manibus nostris subter scribendo annotavimus absentium quoque sacerdotum nec minus idoneis subscriptionibus per Christum et in Christo similiter confirmari postulamus Geilo sancte Lingonensis Ecclesie humilis episcopus huic privilegio a me facto subscripsi Aurelianus sancte Lugdunensis Ecclesie episcopus in Christi nomine roboravi Barnoinus humilis sancte Viennensis Ecclesie episcopus consensi et subscripsi Adalgarius Eduorum episcopus subscripsi Stephanus divina dignatione Cabilonensis episcopus subscripsi Adalbaldus Ecclesie Belicensis episcopus subscripsi Geraldus sancte Marticensis Ecclesie episcopus subscripsi Isaac humilis Valentinensis Ecclesie episcopus subscripsi Ego Brancio presbiter et cancellarius sancti Manmetis hoc privilegium scripsi datavique XV kalendas Iunii Indictione V anno II regnante Karolo imperatore augusto in Gallia Ansterius humilis sancte Lugdunensis Ecclesie episcopus hoc privilegium in Christi nomine roboravi et subscripsi Walo humilis sancte Eduensis Ecclesie episcopus huic scripto assensum prebui et subscripsi Argrimus sancte Lingonis Ecclesie episcopus in Christi nomine roboravi et subscripsi Warnerius sancte humilis Lingonis episcopus hoc scriptum roboravi atque subscripsi Gocelmus humilis presul in Christi nomine roboravi et subscripsi Ledboinus humilis coepiscopus subscripsi