Charter Document - 05210009

In nomine sancte et individue Trinitatis Karolus divina favente clementia imperator augustus Si venerabilium presulum iustis et rationabilibus efflagitationibus aurem nostre mansuetudinis commodaverimus et eas ad effectum perpetue stabilitatis perducere satagerimus non solum in hoc nostram imperialem exercemus consuetudinem verum etiam hoc ipsum ad presentis vite cursum cum felicitate transigendum et ad futuram quamtocius beatitudinem capessendam nobis profuturum esse non dubitamus Ic circo notum sit omnibus sancte Dei Ecclesie fidelibus et nostris presentibus scilicet et futuris quia Geilo sancte Lingonensis Ecclesie reverendus antistes nostram inadiens sublimitatem celsitudini nostre innotuit qualiter Lingonis civitatem sibi videlicet a Deo commissam ob nimiam persecutionem sive infestationem paganorum et refugium sive salvationem Christianorum et sancte Dei Ecclesie defensionem prope iam reedificatam sine alicuius comitis vel iudicis iuvamine atque constructam haberet et ut ad perfectionem illam perducere posset modis omnibus satageret huius rei causa serenitatem nostram cum quantis precibus potuit humiliter deprecatus est quatinus ob nimias comitum seu iudicum inquietudines pro omnipotentis Dei amore et nostrorum peccaminum relaxatione et ipsum civitatis murum et quindecim pedes de intus et sexaginta de foris sive omnia ex fisco nostro infra eandem civitatem ad ius comitis pertinentia seu etiam et omne illud ex iure fisci nostri quod in Campo bello iuxta sepe factam civitatem exsistit eidem Lingonensi Ecclesie suorumque rectorum ordinationi per auctoritatis nostre preceptum perdonare dignaremur Obtulit preterea obtutibus celsitudinis nostre auctoritatem precepti pie recordationis avunculi nostri Karoli imperatoris qualiter ipse ob deprecationem Isaac venerabilis episcopus eiusdem Lingonensis Ecclesie et in eadem Lingonis civitate et in Divione castro monetas fieri concessit ea tamen ratione quo absque alicuius iudicis seu comitis inquietudine ad ius sive ordinationem iam sepe memorate Ecclesie rectorum pertinere perpetuo debeant Statuit denique et in eadem auctoritate et de mercatis annalibus in supra dictis locis medietas et de ebdomadibus summa integritas partibus eiusdem Lingonensis atque Divionensis Ecclesie cederetur Que etiam ut futuris temporibus firmora sint et certiora credantur nostra auctoritate corroborari humiliter deprecatus est Cuius nos laudabilibus peticionibus aurem nostre celsitudinis accomodantes hoc auctoritatis nostre preceptum fieri iussimus per quod statuentes decernimus et decernendo confirmamus quatinus omnia ex iure fisci nostri ad causam comitis pertinentia infra eandem Lingonis civitatem et extra loco qui Campus bellus dicitur et ipsum civitatis murum et quindecim pedes de intus et sexaginta de foribus veluti supra insertum est et quemadmodum iam sepe fatus Geilo episcopus petiit ita per hanc nostram imperialem auctoritatem et ipsa Lingonensis Ecclesia et ipse suisque successores legitime ordinent et perpetuo in Dei nomine ordine quieto obtineant de mercatis vero et monetis sicuti diva memoria supra scriptus Karolus imperator avunculus noster sua auctoritate statuit constituit et confirmavit ita et nos eius redintegrantes et renovantes auctoritatem per hoc nostrum imperiale preceptum statuimus stabilimus atque eternaliter confirmamus Et ut nostra imperialis permissio per futura tempora pleniorem in Dei nomine obtineat firmitatis vigorem manu propria subter firmantes annuli nostri impressione subteriussimus sigillari Signum Karoli gloriosissimi et serenissimi augusti Amalbertus cancellarius ad vicem Luithunuardi archicancellarii recognovi et subscripsi Datum octavo decimo calendas Febroarias anno Incarnationis Domini nostri Iesu Christi DCCCLXXXVII Indictione IIII anno imperii Karoli imperatoris in Italia VI in orientali Francia V in Gallia II Actum Scletistath palacio feliciter