Charter Document - 05210002
| Charter Number: | 05210002 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0822 |
| Date type: | Internal, Regnal |
| Resource Link(s): |
|
Charter:
Ecclesie sancti Stephani martiris que est constructa in castro Divionensi ubi venerabilis vir dominus Albericus preesse videtur Ego Acheus indignus diaconus cogitavi pro remedio anime mee dare de rebus meis propriis hoc est mansum unum infra castrum Divionense qui habet terminationes de uno latere terra sancti Germani de alio strada publica de uno fronte terra sancti Benigni de alio vero fiscus dominicus infra istas terminationes ad integrum una cum exso et regresso Similiter de terra culturali in fine Fontani campos III unus campus habet terminum de uno latere [] tenet de alio Adalbaudus de uno fronte Hugo tenet de alio strada publica alius campus habet terminum de uno latere Galsaudus tenet de alio ratio sancti [] de uno fronte strada publica tercius campus habet terminum de uno latere heredes tenent de alio Sichelmus de ambis frontibus strada publica infra istas terminationes totum ad integrum Similiter in ipsa Fontanis villa do vineam unam que habet terminum de uno latere de ipsa hereditate de alio terra sancti Martini de uno fronte Hugo tenet de alio strada publica pergit infra istas terminationes totum ad integrum Similiter in centena Oscarensi in villa Poliaco vineam unam quam de genitore meo Herlerio et de Vuicardo comparavi totum ad integrum ipsius loci presbiteris diaconibus subdiaconibus lectoribus et cantoribus ad eorum mensam cedo trado atque transfundo Similiter mancipia trado eis Fraronem Bertradum ut quicquid de iam dictis rebus ipsi vel heredes eorum ad augmentum facere voluerint libere agant Si vero ego ipse aut ullus heredum meorum quod futurum nequaquam credimus contra hanc donationem venire calumpniamque inferre temptaverit non valeat evindicare sed insuper inferat ipsis canonicis in duplum et fisco auri uncias II et hec donacio firma permaneat stipulacione subnixa Actum Divioni castro in Ecclesia sancti Stephani publice Ego Acheus hoc testamentum a me factum relegi et subscripsi Signum Agedei Signum Wichelmi Signum Sichelmi Signum Wicardi germanorum eius qui consenserunt Wicherius presbiter subscripsit Geraldus presbiter subscripsit Petrus presbiter subscripsit Fulbertus presbiter subscripsit Amalbertus diaconus subscripsit Ego in Dei nomine Letaldus presbiter rogatus hoc testamentum scripsi et subscripsi Datum die Jovis in anno VIII regnante domino nostro Ludovico imperatore