Charter Document - 05210001
| Charter Number: | 05210001 |
|---|---|
| Cartulary Title: | Les origines de l'hypothèque en Bourgogne et chartes de l'abbaye de Saint-Etienne, des VIIIe, IXe, Xe et XIe siècles |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0793 |
| Date type: | Internal, Regnal |
| Resource Link(s): |
|
Charter:
Venerabilis in Christo confratres nostros cunctamque congregationem sancti Stephani Divionensis canonicos Betto licet indignus episcopus perscrutans omnem facultatem vestram unde subsidium corporale necessarium habere debetis videtur mihi multa vobis deesse que tali congregatione procurare debemus Ideo tactus compassione miserie vestre dono a die presente et ut permaneat cunctos successores meos exposco hoc est omnia altaria et decima sancti Stephani de ratione de villis nuncupatis Cuipaco vel Tremoledo Nobiliaco Neiront seu in ipso Divione vel in circuitu ipsius id est sancto Germano de Cortarno seu sancto Martino Campaniensis nec non sancto Martino de Quintiniaco nec non de aliquis villis Marciliaco Tillecastello et de villis unde none et decime Domini homines reddere debent tam de presbiteratus quam de villis unde a longo tempore per legem et consuetudinem de ipsis rebus sancti exactum fuit id est omnes laborationes vinum annonas et de jumentis et pecudibus tam maiore quam minore utriusque sexus licentiam nostram habeatis ad requirendum ad vestram necessitatem perpetuam Et ut perpetualiter erga vos maneat ob Christi reverentiam sicut iam dixi successores meos in prefacta Ecclesia humiliter exposco Et ut apud vos littere nostre melius credantur manu propria roboravi et presenti Ecclesie nostre firmare rogavi In Dei nomine ego Betto episcopus has litteras a me factas relegi et ego Reimbaldus archidiaconus Girardus archidiaconus Aaron presbiter et Sennaldus presbiter Esembrannus presbiter David presbiter Siderannus presbiter Ego Sigismondus presbiter scripsi et datavi in mense maio in anno XXIII regnante domino nostro Karolo imperatore