Charter Document - 05200031
| Charter Number: | 05200031 |
|---|---|
| Cartulary Title: | Le cartulaire blanc de Saint-Denis: Chapitre de Pierrefitte [Paris] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1269 |
| Date type: | Internal, A.D. |
| Resource Link(s): |
Chapitre de Pierrefitte 31 |
Charter:
Universis presentes litteras inspecturis officialis curie Parisiensis salutem in Domino Notum facimus quod coram nobis propter hoc personaliter constitutus dominus Robertus dictus li Tyois miles et Petronilla ejus uxor asseruerunt coram nobis quod ipsi habebant et possidebant quatuor arpenta vinee tribus perchiis minus sita in territorio de Petra Frita contigua vinee liberorum defuncti Balduini de Logiis militis ex una parte et vinee Innocentum de Sancto Paulo ex altera in censiva cenarii Beati Dyonisii in Francia onerata in tribus solidis et sex denariis censualibus tantummodo ut dicebant Item asseruerunt quod ipsi habebant et percipiebant singulis annis decem solidos parisiensium augmentati census et IIII capones assignatos super quadam masuram sitam apud Petram Fritam contiguam vinee Colini Point l'Asne ex una parte et vinee Johannis Hospitiarii in censiva abbatis et conventus Beati Dyonisii oneratam in decem et septem denariis parisiensium et obolo censualibus ut dicebant Quam siquidem vineam cum dictis decem solidis et quatuor caponibus recognoverunt in jure coram nobis se vendidisse et nomine venditionis in perpetuum quitavisse religioso viro [] priori de Strata Beati Dyonisii pro sexaginta et quatuor libris parisiensium sibi solutis in pecunia numerata exceptioni non numerate et non solute pecunie renuntiantes coram nobis penitus et expresse transferentes exnunc in dictum priorem omne jus omne dominium omnem proprietatem et possessionem que sibi competebant et competere poterant in predictis et promiserunt dicti Robertus et Petronilla spontanea non coacta de assensu et voluntate mariti sui sibi in hoc auctoritatem prestantis quod contra venditionem et quitationem hujusmodi per se vel per alium non venient in futurum et quod dictam venditionem ut superius est expressum dicto priori et ejus successoribus garantizabunt et defendent contra omnes ad usus et consuetudines Francie necnon et quod solvent dicto emptori centum et octo solidos parisiensium nomine pene si dictam venditionem retrahi contigerit vel evici Pro qua garantia et pena si committatur solvenda obligaverunt erga dictum priorem omnia bona sua mobilia et immobilia presentia et futura quantum ad hoc jurisdictioni curie Parisiensis se supponentes renuntiantes omnibus privilegiis et omni juri indulto in favorem mulierum et omnibus aliis exceptionibus et rationibus que possent obici contra hujusmodi instrumentum Datum anno Domini millesi MCCLX nono mense martii