Charter Document - 05200029
| Charter Number: | 05200029 |
|---|---|
| Cartulary Title: | Le cartulaire blanc de Saint-Denis: Chapitre de Pierrefitte [Paris] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1269 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Parisiensis in Domino salutem Notum facimus quod coram nobis constitutus dominus Matheus de Argentolio miles recognovit se vendidisse et nomine venditionis in perpetuum quitavisse religiosis viris abbati et conventui Sancti Dyonisii in Francia pro sex libris et dimidia parisiensium quindecim denariis minus jam sibi solutis in pecunia numerata ut confessus est coram nobis exceptioni non numerate pecunie non habite et non solute renuntiando penitus et expresse videlicet fere dimidium arpentum vinee quod dicebat se habere ex recto caduco apud locum qui vocatur Clausus Buinardi juxta Petram Fritam contiguum ex uno latere vinee Jacobi Lumbardi et ex alio latere vinee Petri de Celario in censiva dictorum religiosorum oneratum in sex denariis parisiensibus capitalis census tantummodo ut dicebat idem dominus Matheus fide data in manu quod contra venditionem et quitationem hujusmodi jure hereditario ratione conquestus caduci aut alio jure communi vel speciali per se aut per alium non veniet in futurum immo dictam venditionem prout superius est divisa dictis emptoribus ac eorum successoribus ad dictum censum absque alio onere garantizabit et defendet imposterum contra omnes nichil juris sibi aut ejus heredibus in dicta vinea retinendo Datum anno Domini millesi MCCLX nono die mercurii post Misericordia Domini