Charter Document - 05200027
| Charter Number: | 05200027 |
|---|---|
| Cartulary Title: | Le cartulaire blanc de Saint-Denis: Chapitre de Pierrefitte [Paris] |
| Charter Language: | Latin |
| Charter Origin: | Religious |
| Charter Type(s): | Will |
| Date: | 1234 |
| Date type: | Internal, A.D. |
| Resource Link(s): |
|
Charter:
Odo Dei gratia Beati Dyonisii abbas et ejusdem loci conventus universis presentes litteras inspecturis salutem in Domino Notum facimus quod nos et Guibertus quondam presbiter de Petraficta centum viginti libras parisiensium posuimus in emptionibus faciendis de qua pecunia idem Guibertus sexaginta suas libras parisiensium jam persolvit Que centum viginti libre in istis sunt possessionibus implicate in vinea Henrici Pinçon de bosco Petre Ficte duorum arpentorum viginti quinque libras in capitali censu sex denariorum quos Guillemus Buorz miles habebat in eadem vinea et pro tota justitia ejusdem vinee quantum ad sex denarios predictos quitata ecclesie Beati Dyonisii imperpetuum centum solidos in vinea Richardi Mulot et Ebrardi fratris ejus unius arpenti quam vineam Odo decanus Beati Dyonisii in vita sua tenebit et post ejus decessum erit Beati Dyonisii duodecim libras in vinea que fuit uxoris et filie Yvonis clerici de Petra Ficta unius arpenti duodecim libras et in viginti solidis census crescentis super domum Johannis de Drenci sitam in Curticula super Crotaldum decem libras Eidem quoque Guiberto presbitero assignavimus pro residua pecunia non implicata quatuor libras annui redditus super nova stalla de Sancta Genovefa apud Sanctum Dyonisium et si minus valuerint stalla predicta nos perficiemus eidem usque ad quatuor libras parisiensium Insuper idem Guibertus emit a Johanne Lupello de Strata milite quamdam peciam vinee apud Petram Fictam de censiva Beati Dyonisii et feodo quinque quarteriorum juxta vineam Beati Dyonisii viginti libras Hanc vineam idem Guibertus quamdiu vixerit possidebit et post ejus decessum eamdem vineam tenebit Johannes clericus de Spinolio cognatus ejus quoad vixerit Post mortem ejusdem Johannis ad nos redibit omnia Omnia autem predicta tenebit dictus Guibertus quamdiu vixerit et post ejus decessum ad nos libere revertentur exceptis quinque quarteriis que dictus Johannes quamdiu vixerit pacifice et libere possidebit si dictum Guibertum ante dictum Johannem mori contigerit Et post ejus Johannis decessum dicta quinque quarteria ad nos similiter revertentur Dedit etiam et concessit idem Guibertus conventui Beati Dyonisii primum in suo testamento decem libras parisiensium pro remedio anime sue In cujus rei testimonium paginam hanc sigillis nostris munivimus Actum anno Domini MCC tricesimo tertio mense januario