Charter Document - 05200020
| Charter Number: | 05200020 |
|---|---|
| Cartulary Title: | Le cartulaire blanc de Saint-Denis: Chapitre de Pierrefitte [Paris] |
| Charter Language: | Latin |
| Charter Origin: | Religious |
| Charter Type(s): | Discharge |
| Date: | 1243 |
| Date type: | Internal, A.D. |
| Resource Link(s): |
Chapitre de Pierrefitte 20 |
Charter:
Omnibus presentes litteras inspecturis officialis curie Parisiensis in Domino salutem Notum facimus quod coram clerico nostro jurato ad hoc a nobis specialiter destinato Johannes de Nonnevile et Eustachius frater ejus Agnes uxor ejusdem Johannis et Petronilla uxor dicti Eustachii apud Compens in dyocesi Meldensi quitaverunt tam pro se quam heredibus suis religiosis viris abbati et conventui Sancti Dyonisii in Francia quicquid juris habebant vel habere poterant quoquo jure in feodo de Petra Frita quem feodum debebant tenere ab ipsis ut dicebant dominus Petrus dictus Navet miles et Johannes de Chaneveriis nichil juris jurisdictionis seu domini sibi vel heredibus suis in dicto feodo seu pertinentiis ejus aliquatenus retinentes volentes et concedentes quod predicti abbas et conventus prenotatum feodum cum omnibus pertinentiis ejus in manu mortua possideant in futurum Promiserunt etiam prefati Johannes de Nonnevile Eustachius Agnes et Petronilla eorum uxores fide prestita corporali in manu dicti clerici quod contra premissa jure hereditario sive ratione dotalicii vel alio modo non venient in futurum et quod dictum feodum cum omnibus suis pertinentiis eisdem abbati et conventui contra omnes heredes suos et quoscumque alios garentizabunt et liberabunt ad usus et consuetudines Francie eosdem abbatem et conventum super hiis omnibus indempnes penitus conservando sicut idem clericus noster nobis hec omnia retulit viva voce In cujus rei testimonium presentes litteras sigillo Parisiensis curie fecimus roborari Datum anno Domini MCCXL tercio mense marcio