Charter Document - 05200001
| Charter Number: | 05200001 |
|---|---|
| Cartulary Title: | Le cartulaire blanc de Saint-Denis: Chapitre de Pierrefitte [Paris] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1225 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis frater Radulfus de Templo et magister G presbiter Sancti Germani Autisiodorensis salutem in Domino Notum facimus quod cum Eustachia uxor quondam Maurici cambellani domini regis defuncta in elemosinam legavisset quintam partem tocius hereditatis sue per manus nostras pauperibus erogandam et nos sui testamenti executores constituisset tandem predictam quintam partem hereditatis defuncte Eusthachie pro quater viginti et decem libris parisiensium Stephano Brichet hostiario domini regis vendidimus et quitavimus et nos de illa quinta parte in manu predicti Stephani desaisivimus coram venerabili viro officiali Parisiensi tanquam executores quicquid ibi habebamus in ipsum Stephanum transferentes et sciendum quod idem Stephanus de predictis quater viginti et decem libris nobis plenarie satisfecit Que quinta pars consistit in decem arpennis terre sitis inter leprosiam Sancti Dyonisii et Petram Frixam in censiva Sancti Dyonisii et in uno arpento vinee site apud eamdem villam et quindecim solidis censualibus apud Sanctum Dyonisium in censiva Sancti Dyonisii et in quinque arpennis terre site supra chiminum Montis Morenciaci in censiva Hugonis Rufi item in arpento et dimidio vinee site apud Villam Tineosam in censiva Richeldis de Grooleio et in uno arpento vinee apud ipsam villam site in censiva Sancti Martini de Monte Morenciaco Si autem tenementa predicta et quindecim solidi censuales non facerent vel non valerent rectam quintam partem hereditatis ipsius defuncte nos executores eidem Stephano cessimus omne jus et actionem quam habebamus contra heredes predicte defuncte ad sublectionem integre quinte partis In cujus rei testimonium presentes litteras eidem Stephano concessimus sigillorum nostrorum munimine roboratas Actum anno Domini MCCXXIIII mense januario