Charter Document - 05199656
| Charter Number: | 05199656 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1270 |
| Date type: | Internal, A.D., Feast, Regnal |
| Resource Link(s): |
Reference Document for this Embedded Document |
Charter:
Sciant presentes et futuri quod ego Nicholaus filius Hugonis de Wermondeswrth dedi concessi et hac presenti carta mea confirmavi Martino filio meo pro homagio et servitio suo totam terram et tenementum cum homagiis servitiis wardis releviis escaetis villanis et eorum catallis et sequelis et omnibus aliis pertinentiis suis que habui vel habere potui in villa et territorio de Wylsthorp habenda et tenenda omnia predicta de me et heredibus meis sibi et heredibus vel assignatis suis quibuscumque et eorum heredibus exceptis viris religiosis et iudeis libere quiete integre et pacifice in feodo et hereditarie cum omnibus libertatibus aysiamentis et commoditatibus ad predicta terras et tenementa infra predictam villam et extra pertinentibus reddendo inde annuatim michi et heredibus meis unum denarium in festo sancti Michaelis pro omnibus servitiis consuetis secularibus demandis et pro omnimodis rebus aliis ad me vel ad heredes meos aliquo casu contingente pertinentibus salvo forinseco servitio et faciendo insuper capitali domino feodi omnia servitia ad predicta terras et tenementa pertinentia Et ego et heredes mei predictis Martino et heredibus vel assignatis suis qubuscumque et eorum heredibus exceptis viris religiosis et iudeis omnia prenominata terras et tenementa cum omibus suis pertinentiis ut supradictum est contra omnes gentes warantizabimus et per predictum servitium defendemus et acquietabimus imperpetuum Et ut hec mea donatio concessio et presentis carte mee confirmatio perpetue firmitatis robur obtineat hanc presentem cartam sigilli mei impressione roboramus Hiis testibus Willelmo Tenerey de Eyton Rogero de eadem capellano Simone Ponger de Wylsthorp Willelmo Makerell de Breydeston Stephano de eadem clerico Nicholao filio Elye Roberto filio Ricardi de eadem et aliis Dat apud Breydeston die sancti Mathei apostoli et evangeliste anno domini regni regis Henrici filii regis Iohannis liiii