Charter Document - 05199644

Venerabili in Cristo patri domino Coventr et Lich episcopo et discreto viro archidiacono Cestr officialis curie Cantuar salutem cum omni reverentia et honore Sua nobis procurator religiosorum virorum abbatis et conventus de Stanl petitione monstravit quod cum dicti domini sui ecclesiam de Whall dicte diocesis cum omnibus capellis iuribus et pertinentiis suis auctoritate apostolica iuxta confirmationem et approbationem vestram quantum in vobis est fuissent in presenti canonice assecuti vos tamen quod ipsos inquietaretis circa capellam de Alvetham matrici ecclesie de Whall adiacentem fuistis publice ac sepius comminati Unde dictus procurator metuens sibi et Dominis suis ex hoc et aliis probabilibus causis et verisimilibus coniecturis preiudicium posse generari in futurum ne vos seu alter vestrum aut aliquis alius vestra auctoritate seu mandato quicquam in preiudicium dictorum dominorum suorum circa premissa in iudicio vel extra attemptaretis seu attemptaret faceretis seu faceret ali qualiter attemptari sedem apostolicam et pro tuitione curie Cant ut asserit legitime provocavit Set vos non obstante provocatione predicta de qua vobis innotuit sequestrum in fructibus et obventionibus capelle de Alvetham in casu a iure non permisso interposuistis seu interponi fecistis iniuste ac sententias maioris excommunicationis in dictos dominos suos et maxime in fratrem Ricardum de Rodyard ac Henricum de Bolton necnon alios quoscunque possessioni dicte capelle nomine dictorum religiosorum incumbentes ac quoscunque eisdem adherentes non monitos non convictos non confessos nec per contumaciam absentes contra formam concilii generalis absque causa rationabili promulgastis seu promulgari fecistis in dictorum dominorum suorum preiudicium non modicum et gravamen ac scandalum plurimorum propter que et eorum quodlibet idem procurator quamcito eidem innotuit de premissis sedem apostolicam et pro tuitione curie Cant ut asserit legitime appellavit Quare vobis inhibemus necnon omnibus et singulis quibus ius exigit inhiberi in hac parte ne pendente in curia Cant huius tuitorie appellationis negotio quicquam in preiudicium partis appellantis hac occasione attemptetis vel attemptent faciatis vel faciant ali qualiter attemptari quo minus liberam sue appellationis habeat prosecutionem prout iustum fuerit utriusque Citamus etiam vos tenore presentium peremptorie quod compareatis coram nobis vel commissario nostro in ecclesia Beate Marie de Arcubus London septimo die iuridico post festum sancti Edwardi regis in dicto appellationis negotio processuros facturos et recepturos quod iustum fuerit et consonum rationi Quid autem in premissis feceritis nos vel commissarium nostrum per litteras vestras patentes harum seriem continentes distincte et aperte dictis die et loco curetis reddere certiores Dat apud Bocton iuxta Le Blen ix kalendas Septembris anno Domini MCC nonagesimo quinto