Charter Document - 05199642

Venerabili in Cristo patri et domino Rogero Dei gratia Coventr et Lich episcopo [] officialis curie Cantuar salutem cum reverentia et honore Sua nobis procurator religiosorum virorum abbatis et conventus loci benedicti de Stanl ordinis Cisterciensis gravi conquestione monstravit quod licet dicti domini sui ecclesiam de Blak vestre diocesis cum suis iuribus et pertinentiis in proprios usus canonice fuissent et sint assecuti et eam per quamdiu pacifice possederint in quiete fuissetque vicario presidenti in ecclesia memorata per dictos religiosos ad ipsius ecclesie vicariam loci diocesano presentato et per eundem instituto certa portio de ipsius ecclesie proventibus ordinata seu etiam assignata et demum ad petitionem Iohannis de Habyndon nuper vicarii eiusdem asserentis portionem suam in tam exilem quod ad facienda hospitalitatem [] onera que incumbebant supportanda minime sufficiebat eadem portio que tunc viginti marcas sterlingorum valebat usque ad xl marcas sterlingorum ab eisdem religiosis vicario pro tempore existenti pro sua portione totali exceptis duabus bovatis terre et competenti manso quas habuit ipso volente et consentiente auctoritate consensu et confirmatione vestri et capituli intervenientibus cum cause cognitione adaucta ac venerabilis patris domini Iohannis Dei gratia Cantuariensis archiepiscopi totius Anglie primatis ex certa scientia confirmatione subsecuta que sufficiens portio consideratis ipsius ecclesie facultatibus censeri debebit maxime cum hospitalitatem et alia onera gravia eidem ecclesie incumbentia per se sustinuerint et sustineant in ecclesia memorata per quam dictus vicarius a necessitate sustinendi hospitalitatem in dicto loco relevatus existit timens sibi et dictis Dominis suis ex eo per vos in futurum posse preiudicium generari quod ad instantiam Willelmi de Lenche nunc vicarii eiusdem comminati fuisitis vos velle dictam vicariam seu eiusdem vicarii portionem augmentare ne vos seu quivis alius vice auctoritate seu mandato vestro in predictorum dominorum suorum preiudicium seu ecclesie predicte quicquam monendo citando inquirendo statuendo aut possessionem dictorum dominorum suorum immutando faceretis aut faceret ali qualiter attemptari ad sedem apostolicam et pro tuitione curie Cant ut asserit legitime provocavit et etiam appellavit Proposuit insuper pars religiosorum predictorum coram nobis in forma competenti quod cum alias super valore dicte vicarie fuisset inquisitum et auctoritate patris antedicti esset et sit in xx marcis sterlingorum et duabus bovatis terre per decretum augmentata a quo non appellatum set eidem parti utrobique intervenientibus etiam consensibus capitulorum Coventr et Lich ad aliam inquisitionem seu augmentationem non erat procedendum de iure sed vos huiusmodi provocatione appellatione et propositione non obstantibus volentes ordinationem predictam infringere et etiam immutare magistro Roberto de Radeswell archidiacono Cestr litteratorie demandastis ut de valore dicte ecclesie inquireret et denuo ordinatione et confirmatione non obstantibus ordinaret qui ad inquisitionem predictam non obstantibus premissis descendit alias gravis et iniuriosus eisdem existens propter quod a parte dictorum religiosorum sentientium se ex hiis et eorum quolibet indebite pregravari quamcito de premissis innotuit eisdem ad sedem et curiam supradictas iterato extitit ut asseritur legitime provocatum Quocirca vobis et per vos dicto archidiacono ac ceteris omnibus quibus ius exigit inhiberi districtius inhibemus ne pendente in curia Cant huius tuitorie appellationis negotio in partis preiudicium appellantis ea occasione quicquam attemptetis attemptet vel attemptent faciatis faciat vel faciant ali qualiter attemptari quominus liberam habeat appellationis sue prosecutionem prout iustum fuerit utriusque Citetis etiam seu citari faciatis dictum Willelmum partem appellatam peremptorie quod compareat coram nobis vel commissario nostro in ecclesia beate Marie de Arcubus London quarto die iuridico post Dominicam qua cantatur misericordia Domini in dicto tuitorie appellationis negotio facturum et recepturum quod iuri fuerit consonum et etiam equitati De die vero receptionis presentium et quid inde feceritis nos vel commissarium nostrum dictis die et loco certificetis per litteras vestras patentes harum seriem continentes Dat vii kalendas Aprilis anno Domini MCCLXXX nono