Charter Document - 05199583
| Charter Number: | 05199583 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1257 - 1259 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens scriptum pervenerit Cristiana de Bennacr Ydonea de Nacton et Willelmus de Wroxhale filius Felicis salutem in Domino Noverit universitas vestra nos remisisse et quietum clamasse et quietam clamationem nostram hac presenti carta nostra confirmasse de nobis et heredibus nostris priori hospitalis sancti Iohannis de Lich et fratribus et sororibus ibidem Deo servientibus totum ius nostrum et clamium quod habuimus vel habere potuimus in omnibus terris illis et tenementis et edificiis cum omnibus pertinentiis quas magister Radulphus de Lacok canonicus quondam Lich tenuit iuxta Lich in territorio de Elmhurst et Stichebrok ubicumque iacent videlicet in omnibus terris illis quas idem Radulphus tenuit de Cristiana venatrice cum pertinentiis et in omnibus terris illis cum pertinentiis quas tenuit de Agnete Turpyn et in omnibus terris illis cum pertinentiis quas tenuit de Ada fabro et Alicia uxore eius et in terris illis cum pertinentiis quas tenuit de Radulpho de Berdon et Lucia sorore eius et in terris illis cum pertinentiis quas tenuit de Willelmo Balle et etiam in duodecim denariis annui redditus quos dictus Radulphus tenuit de supradicta Cristiana venatrice percipiendis de Willelmo Oselcok de Synethymulne et heredibus suis habenda et tenenda dictis priori et fratribus et sororibus ibidem Deo servientibus libere quiete integre bene et in pace inperpetuum in liberam et puram elemosinam sine aliquo retenemento ad sustentationem unius capellani habitum fratrum loci habentis et deferentis missam celebraturi in dicto hospitali pro anima dicti Radulphi et antecessorum suorum et omnium fidelium defunctorum inperpetuum et ad sustentationem pauperum et infirmorum in dicto hospitali commorantium et ibidem confluentium qui quidem capellanus per executores dicti Radulphi primo semel providebitur et postea illo cedente vel decedente alius competens ad illud officium providebitur per loci diocesanum inperpetuum Ita videlicet quod nec nos dicta Cristiana Ydonea et Willelmus vel aliquis nostrum nec heredes nostri nec aliquis ex parte nostra vel heredum nostrorum aliquid iuris vel clamii in supradictis terris cum pertinentiis vel aliqua earum parte vel in dicto redditu vel eius parte ullis diebus exigere possimus vel vendicare debeamus Et ut hec nostra remissio quieta clamatio et quiete clamationis nostre confirmatio perpetuam optineat firmitatem presenti carte nostre dictis priori fratribus et sororibus confecte sigilla nostra apposuimus Hiis testibus Roberto de Hulton Petro de Colcestr Iohanne de Therleymor et aliis