Charter Document - 05199574
| Charter Number: | 05199574 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1272 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Universis Cristi fidelibus ad quos presens scriptum pervenerit Adam de Stanford archidiaconus Cestr et canonicus ecclesie Lich ratione prebende consistentis in ecclesia de Boulton salutem in Domino sempiternam Noverit vestra universitas nos nomine nostro et successorum nostrorum archidiaconorum Cestr et canonicorum prebende predicte suscepisse a discretis viris decano et capitulo ecclesie Lich aream cum edificiis que Thomas de Bradeford quondam canonicus eiusdem ecclesie olim habuit in suburbio Lich in vico qui dicitur Baconstrete inter publicam stratam tendentem versus Stafford et vivarium episcopi ecclesie predicte unacum sex acris terre arabilis quas idem Thomas tenuit prope Lich cum octo solidatis annui redditus quadam parte prati apud Tymmor et cum redditu spectante ad predictam aream in supradicto suburbio subscriptis conditionibus videlicet quod nos et successores nostri archidiaconi Cestr et canonici prefate prebende de Boulton reddemus annuatim inperpetuum eisdem decano et capitulo Lich quatuor marcas argenti ad terminos subscriptos scilicet medietatem in festo Pasche et aliam medietatem in festo beati Michaelis ad sustentationem fabrice eiusdem ecclesie pro area edificiis terra prato redditu assiso cum pertinentiis suis antedictis et sustinebimus inperpetuum vicarium presbiterum in eadem ecclesia Lich in officio vicarii deservientem et missam cum officio mortuorum celebrantem pro anima dicti Thome defuncti et animabus fidelium defunctorum cui singulis annis ministrationis triginta solidos argenti pro stipendiis suis preter communam vicariis deputatam in eadem ecclesia sub pena canonice districtionis nobis per memoratos decanos et capitulum vel dominum episcopum aut eius officialem infligenda si in aliquo predictorum terminorum in solutione cessaverimus Et memorata edificia sustinebimus et reficiamus quotiens fuerit necesse et volumus et concedimus pro nobis et successoribus nostris quod decanus prefate ecclesie Lich dominus episcopus aut eius officialis qui pro tempore fuerint monitione competenti premissa possint nos compellere ad solvendam pecuniam predictam et ad alia onera sustinenda per quamcumque cohercionem ecclesiasticam quam procurator sive custos fabrice ecclesie Lich antedicte elegerit absque omni strepitu iudiciali Et in premissorum omnium testimonium presenti scripto sigillum nostrum apposuimus et quia volumus successores nostros ad predicta omnia observanda inperpetuum obligari promisimus bona fide quatenus poterimus unacum antedictis Dominis decano et capitulo Lich ecclesie procurare sigillum venerabilis in Cristo patris Rogeri Dei gratia Coventr et Lich episcopi eidem scripto apponi Dat Cestr die circumcisionis Domini anno gratie M ducentesimo septuagesimo primo