Charter Document - 05199326
| Charter Number: | 05199326 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1276 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Memorandum quod cum anno gratie MCC septuagesimo quinto mota esset controversia inter dominum Nicholaum de Oxton perpetuum vicarium de Wirk ex una parte et fratrem Henricum abbatem de D et eiusdem loci conventum ex altera super decimis minoribus de terris quas iidem abbas et conventus habuerunt in parochia de Wirk provenientibus tandem in festo beati Gregorii pape anno supradicto interventu proborum et legalium virorum talis compositio amicabilis intervenit videlicet quod predicti abbas et conventus ac ipsorum successores quamdiu dictas terras tenuerint et propriis sumptibus excoluerint pro bono pacis pro lana centenarii ovium cuiuscumque generis tres solidos et pro qualibet vacca cum vitulo unum denarium quolibet anno infra octabas Trinitatis prefate ecclesie de Wirk bona fide persolvent et si quando minus quam centum oves habuerint minus solvent ita tamen quod in appositione vel in amotione ovium ipsorum abbatis et conventus observetur consuetudo archidiaconatus Derb pro rata temporis Pro aliis vero minutis decimis omnibus ratione predictarum terrarum a prefatis abbate et conventu solvendis infra predictum terminum xii denarios annuatim prestabunt remissa tamen absolute dictis abbati et conventui decima curtilagii Servientes vero seculares conducticii sepe dictorum abbatis et conventus eisdem in predictis terris ministrantes sacramenta ecclesiastica in prefata ecclesia de Wirk percipient et omnimodas decimas oblationes et obventiones sicuti alii stipendiarii de parochia eidem ecclesie persolvent Si autem dictas terras vel aliquam dictarum terrarum partem aliis tradiderint excolendas ipsi tenentes sicuti alii parochiani omnimodas decimas et oblationes dicte ecclesie de Wirk debitas cum omni integritate persolvent et si contigerit quod dicti abbas et conventus aliquo anno citra predictum terminum in memorate pecunie solutione cessaverint licitum sit dicto vicario et eius successoribus qui pro tempore fuerint ipsos admonitione premissa ad solutionem dictorum trium solidorum et xii denariorum ac decime vaccarum et vitulorum sicut predictum est faciendam per censuram ecclesiasticam compellere non obstante aliquo ipsorum privilegio a sede apostolica eis concesso si quod habeant quod suspendi non valeant vel excommunicari Et ut predicta rata permaneant et inconcussa inperpetuum predicte partes se predictam compositionem fideliter servaturas corporali sacramento prestito firmaverunt Et ad maiorem securitatem presenti scripto ad modum cirographi confecto alternatim sigilla sua una cum sigillo officia litatis Coventr et Lich apposuerunt Hiis testibus magistris Iohanne de Weston Robert de Sancto Petro Ricardo de Morl Willelmo de Henover Hugone de Esseburn Philippo de Wirk clericis domino Rogero de Draicote clerico domino Willelmo Giroman capellano et aliis Dat apud Esseburne die et anno supradictis