Charter Document - 05199322

Hec est compositio facta inter religiosos viros abbatem et conventum Vallis sancte Marie de Crokesden Cysterciensis ordinis ex parte una et Thomam rectorem ecclesie de Hottokeshale ex altera videlicet cum inter memoratos religiosos et prenominatum rectorem super decimis de terris antiquitus cultis de certis videlicet triginta et tribus acris et dimidia quas Alanus quondam decanus de Lees aliquo tempore tenuit et aliis decimis de quibusdam assartis predictorum religiosorum de Frotewode et quibusdam ortis et aliis placiis ubi dicti Alani et aliorum sita fuerunt quondam domicilia necnon de quodam prato duarum acrarum spatium continente quod memoratus Alanus aliquo tempore tenuit et quinque solidis annuis absque titulo certo vel causa expressa tamquam super bonis decimis et rebus a monasterio de Crokesden illicite alienatis que omnia predicta rector indebite percepit ut predicti religiosi dicebant materia suborta fuisset questionis ac ipsi religiosi prenominatum rectorem coram magistro Iohanne de Weston domini archidiaconi Derbeye officiali domini prioris de Ronton iudicis a domino papa delegati principalis secundum formam sue commissionis vices gerente super premissis traxissent in causam actione in iudicio edita et sigillo iudicis consignata et partibus rei tradita tractatu etiam diutius deliberatione prehabitis inter partes de pace reformanda lis tandem inter easdem partes in hunc modum conquievit videlicet exhibitis super singulis prenominatis articulis privilegiis et indulgentiis nonnullis ex parte predictorum religiosorum ex quibus apparebat ipsos religiosos a prestatione predictarum decimarum et solutione predictorum quinque solidorum inmunes esse debere nichilominus tamen pro bono pacis non solum ratione predicti rectoris sed etiam omnium ipsius successorum in eadem ecclesia de Hottokeshal successione instituendorum et pro eiusdem ecclesie indempnitate cavenda et predictis privilegiis in suis virtutibus observandis prenominati religiosi et ipsorum successores nomine pacis perpetue predicto rectori et ipsius memoratis successoribus de cetero annuatim duodecim solidos usitate et provincialis monete ad duos anni terminos plene et absque difficultate ulla vel diminutione exsolvent videlicet ad festum sancti Michaelis sex solidos et ad Pascha semper proximo sequens sex solidos ita quod prenominatus rector nec sui successores successive in predicta ecclesia de Hottokeshal instituendi nomine suo vel nomine eiusdem ecclesie de aliquibus prenotatis decimis vel quinque solidis annuis superius prenotatis iure possessorio sive petitorio quicquam aliud quam prenominatos duodecim solidos annuos ad prenominatos terminos solvendos extorquere exigere retinere poterunt vel recipere Unde idem rector pro se et suis successoribus et prefata ecclesia de Hottokeshal et predicti religiosi pro se et suis successoribus et monasterio suo de Crokesden quoad premissa aliquo modo enervanda omnibus inpetratis et inpetrandis et omnibus et singulis remediis que de iure vel facto cuilibet parti presentem compositionem enervare volenti aliquo modo possint competere expresse renuntiarunt Et ad maiorem super premissis securitatem et ut hec compositio inter partes memoratas et earum successores rata et firma inperpetuum permaneat eedem partes pro se et suis ecclesiis et suis successoribus sub pena decem librarum fideliter promiserunt se et suos successores ipsam integre in qualibet sui parte observare Predicti vero abbas et conventus pro se et suis successoribus ecclesiam suam parochialem de Alveton iurisdictioni domini episcopi Coventrensis et Lichfeldensis subiecerunt ut ipse et successores eius qui pro tempore fuerint possint per fructuum eiusdem ecclesie sequestrationem tam ad observationem compositionis et unius cuiusque articuli in eadem compositione contenti quam ad dicte pene solutionem fabrice ecclesie Lichfeldensis faciendam si per predictos abbatem et conventum vel eorum successores fuerit commissa et etiam per censuram ecclesiasticam si necesse fuerit cohercere Predictus vero rector pro se et suis successoribus predictam ecclesiam de Hottokeshal iurisdictioni eiusdem episcopi subiecit ut idem episcopus et successores eius qui pro tempore fuerint possint per fructuum eiusdem ecclesie sequestrationem tam ad observationem dicte compositionis et unius cuiusque articuli in eadem compositione contenti quam ad dicte pene solutionem fabrice ecclesie Lichfeldensis faciendam si per dictum rectorem vel eius successores fuerit commissa et etiam per censuram ecclesiasticam si necesse fuerit compellere In cuius rei testimonium partes memorate alternatim presenti compositioni in modum cyrographi confecte sigilla sua apposuerunt Dat septimo decimo kalendas Aprilis anno Domini MCC sexagesimo secundo