Charter Document - 05199312
| Charter Number: | 05199312 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1272 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Sciant presentes et futuri quod ego magister Radulphus de Chadd thesaurarius Lych ecclesie et rector ecclesie de Sall dedi concessi et hac presenti carta mea confirmavi capellano in capella beate Marie de Sall ministranti et missam eiusdem beate virginis celebranti cum clerico ydoneo totum illud toftum quod Adam carectarius aliquando tenuit de terra ecclesie in villa de Sall quod quidem toftum iacet inter toftum Normanni textoris ex una parte et toftum Willelmi Balle ex altera habendum et tenendum dicto capellano et successoribus suis in predicta capella ministrantibus et missam beate Marie cum clerico ydoneo ibidem celebrantibus in puram liberam et perpetuam elemosinam Ut hec mea donatio concessio et presentis carte mee confirmatio perpetue firmitatis robur optineant hanc presentem cartam sigilli mei inpressione roboravi Hiis testibus magistro Alano Breton canonico Lych ecclesie magistro Iohanne Kerni tunc rectore ecclesie de Sondiacr magistro Iohanne de Cravene Rogero de Draycote clerico Willelmo Teveri de Eyton domino Rogero de eadem capellano magistro Hugone de eadem clerico et aliis Dat Sall ii nonas Martii anno Domini MCC septuagesimo primo