Charter Document - 05198627
| Charter Number: | 05198627 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1186 - 1224 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens scriptum pervenerit Reinerius Dei gratia de Sancto Asaph episcopus eternam in Domino salutem Noverit universitas vestra nos assensu et voluntate capituli nostri ecclesie sancti Assaph divine pietatis intuitu abbatem et conventum Salop in ecclesia de Albo Monasterio canonice instituisse et eosdem quantum ad nos pertinet in corporalem possessionem eiusdem ecclesie induxisse salvo nobis et successoribus nostris iure episcopali inhibentes firmiter et obtestantes sub optentu divini iudicii ut nullus omnino hominum ius et proprietatem sive possessionem et libertatem eorundem quoad prefatam ecclesiam ausu temerario turbare presumat vel molestare quod si quisquam presumpserit indignationem omnipotentis Dei et omnium sanctorum incurrat Et ut hec nostra institutio firma et stabilis permaneat illam sigillo nostro quam sigillo capituli nostri ecclesie sancti Asaph communivimus Hiis testibus Odelou capellano Reginaldo sacrista de Albo Monasterio Stephano celario et multis aliis