Charter Document - 05197041
| Charter Number: | 05197041 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1292 |
| Date type: | Internal, A.D. |
| Resource Link(s): |
|
Charter:
Acta in ecclesia cathedrali Lich die martis proxima post festum sancte Trinitatis cum continuatione diei mercurii subsequentis anno Domini MCC nonogesimo secundo coram nobis officiali venerabilis patris domini R Dei gratia C et L episcopi in causa appellationis que vertitur seu verti speratur inter dominum Radulphum de Hatton capellanum et Rogerum de Gannew executores testamenti domini Thome de Haseleye militis defuncti partem ut dicitur appellantem personaliter comparentes ex parte una et magistrum Ricardum de Merlawe rectorem ecclesie de Wytenasse partem appellatam personaliter comparentem ex altera videlicet cum nobis constaret per certificatorium officialis domini archidiaconi Coventr ipsam partem appellatam ad dictos diem et locum fuisse citata peremptorie ad faciendum et recipiendum in dicta causa quod iustitia suaderet eadem pars appellata petunt copiam suggestionis partis appellantis certificatorium citationis predicte et libellum seu articulum in dicta causa sub sigillo nostro et optinuit per decretum unde prefiximus partibus diem iovis proxima post festum nativitatis sancti Iohannis baptiste loco quo prius ad faciendum procedendum et recipiendum in causa predicta quod postulaverit ordo iuris Et cum dicta pars appellans peteret absolvi ad cautelam a quadam sententia excommunicationis maioris quam per officialem Coventr supradictum se asserunt innodatos prout in eorum articulo cuius copiam fieri fecimus parti appellate plenius continetur eadem pars appellata quedam in scriptis proposuit quorum copia penes eandem partem residet sub sigillo nostro quominus executores predicti iuxta petitionem eorum deberent absolvi unde prefiximus eidem parti appellate diem veneris proximam subsequentem coram nobis vel commissario nostro in ecclesia conventuali Coventr ad probandum huiusmodi proposita vel eorum aliquod quod sibi sufficere poterit in hac parte et utrique parti ad ulterius faciendum et recipiendum super eisdem articulo et propositis contra eundem et aliis ea tangentibus quod ratio suadebit in consistorio memorato die iovis predicto