Charter Document - 05195041
| Charter Number: | 05195041 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Court Record |
| Date: | 1292 - 1295 |
| Date type: | Assigned |
| Resource Link(s): |
|
Charter:
Coram vobis domino officiali Coventr et Lich episcopi seu vestro quocumque commissario dominico et in iure proponunt Radulphus de Hatton capellanus et Rogerus de Gannok executores testamenti domini Thome de Hasel militis defuncti contra magistrum Ricardum de Merlawe qui se dicit rectorem ecclesie de Witenasse et contra quemlibet pro eo legimime intervenientem quod cum magister Ricardus de Merlawe qui se dicit rectorem ecclesie de Witenasse dictos executores coram officiali domini archidiaconi Coventr procurasset ad iudicium evocari petens ab eisdem quadraginta solidos quos idem rector asseruit in testamento dicti militis eidem ecclesie fuisse legatos iidem executores congruis loco et tempore legitime coram domino officiali comparuerunt libellum et articulum super premissis cum instantia debita sibi dari et fieri postulantes ex habundanti excipiendo proposuerunt quod cum ipsi executores omnia bona portionem dicti defuncti contingentia inventa quorum administrationem habebant seu habere poterant creditoribus dicti defuncti ac circa funerarias et expensas alias penitus exsolverunt in tantum quod nichil ulterius superest de bonis dicti defuncti penes dictos executores vel alibi quod sciatur unde legatariis si qui sint quicquam solvi possit Propter quod dicti executores prefato rectori petenti ex causa legati mere non tenebantur respondere in hac parte quam exceptionem in forma iuris dicti executores congruis loco et tempore proposuerunt offerentes se legitime probaturi eandem Et quia premissa seu aliquid premissorum facere et dictos executores super hiis audire et iustitie complementum super premissis eisdem facere contra iustitiam recusavit congrue requisiti audientiam vestram legitime appellarunt Sed dictus officialis appellatione huiusmodi de qua eidem innotuit non obstante iniquam sententiam condempnatoriam in hac parte contra dictos executores promulgavit ipsosque in viginti solidos sterlingorum occasione premissa multavit minus iuste alias graves et iniuriosi multipliciter existendo eisdem a qua quidem sententia et condempnatione vestram audientiam iterato ut prius legitime appellarunt Quare petunt dicti executores probatis premissis seu eorum aliquibus que sibi sufficere possunt in hac parte pro appellationibus huiusmodi rerum causa seu causis necnon pro iurisdicitone vestra pronuntiari ac detectis dicte sententie iniquitatibus ipsam sententiam infirmari et omnia et singula que post appellationem huiusmodi et contra eisdem qualitercumque secuta fuerint cassari irritari et anulari cassa irrita acque nulla pronuntiari ulteriusque []