Charter Document - 05194041

Officialis venerabilis patris domini Dei gratia Coventr et Lich episcopi discreto viro officiali domini archidiaconi Coventr salutem in auctore salutis Sua nobis procurator domini Radulphi de Hatton capellani et Rogeri Camok executorum testamenti domini Thome de Haseleye militis defuncti petitione monstravit quod cum magister Ricardus de Merlawe qui se dicit rectorem ecclesie de Wichenass dictos dominos suos procurasset ad iudicium evocari petens ab eisdem quadraginta solidos quos idem rector asseruit in testamento dicti militis eidem ecclesie fuisse legatos iidem executores congruis loco et tempore legitime coram vobis comparuerunt Libellum vel articulum super premissis cum instantia debita sibi dari et fieri postulantes ex habundanti proposuerunt excipiendo quod cum ipsi executores omnia bona portionem dicti defuncti contingentia inventa quorum administrationem habebant seu habere poterant creditoribus dicti defuncti ac circa funerarias et expensas alias penitus exsolverunt in tantum quod nichil ulterius superest de bonis dicti defuncti penes dictos executores vel alibi quod sciatur unde legatariis si qui sint quicquam solvi possit propter quod dicti executores prefato rectori petenti ex causa legati mere non tenebantur respondere in hac parte quam exceptionem in forma iuris congruis loco et tempore proposuerunt offerentes se legitime probaturi eandem Et quia vos premissa seu aliquod premissorum facere et dictos executores audire et iustitie complementum super premissis eisdem facere contra iustitiam recusastis congrue requisiti audientiam nostram legitime ut asserit appellarunt Sed vos appellatione huiusmodi de qua vobis innotuit non obstante iniquam sententiam condemnatoriam in hac parte contra dictos dominos suos promulgastis ipsosque in viginti solidos sterlingorum occasione premissa mulcastis minus iuste alias graves et iniuriosi multipliciter existendo eisdem a qua quidem sententia et condempatione nostram audientiam iterato ut prius legitime ut asserunt appellarunt Quare vobis et per vos ceteris omnibus quibus ius exigit inhiberi requirit districtius inhibemus ne pendente huius appellationis causa coram nobis quicquam in partis preiudicium appellantis attemptetis seu attemptari faciatis quominus liberam habeat prosecutionem prout iustum fuerit antedicte Citetis etiam seu citari faciatis partem in hac parte appellatam quod compareat coram nobis vel commissario nostro in ecclesia cathedrali Lich die martis proxima post festum sancte Trinitatis in dicta appellatione facturus et recepturus quod ius dictaret Et quid inde feceritis nos vel commissarium dictis die et loco certificetis per litteras vestras patentes harum seriem continentes Dat apud Lich die lune proxima ante festum ascensionis domini anno eiusdem MCC nonogesimo secundo