Charter Document - 05192010

Innocentius episcopus servus servorum Dei dilectis filiis canonicis ecclesie Lichf tam presentibus quam futuris in Christo salutem [] Apostolice sedis clementie convenit universis ejus patrocinium implorantibus materne tuitionis suffragium exhibere ut quemadmodum disponente Domino patres in Dei populo dicuntur ita etiam operum exhibitione comprobemur Hujus rei gratia dilecti in Domino filii vestris desideriis paterna benignitate annuimus et ecclesiam Lichf in qua divino vacatur servitio presentis scripti pagina statuentes communimus statuentes ut ecclesias decimas et quascunque possessiones quecunque bona prefata ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci quecunque etiam a venerabili fratre nostro Rogero Coventrensi episcopo tam in ecclesiis decimis terris quam in aliis possessionibus vobis collata sunt vel ab eodem impostorum Deo propitio conferentur firma vobis inperpetuum et illibata permaneant Decernimus ergo ut nulli omnino hominum liceat eandem ecclesiam temere perturbare aut ejus possessiones auferre vel ablatas retinere minuere seu quibuslibet molestiis fatigare sed omnia integra conserventur eorum pro quorum gubernatione et sustentatione concessa sunt usibus omnimodis profutura Si quis autem ausu temerario id attemptare presumpserit indignationem omnipotentis Dei et beatorum Petri et Pauli apostolorum ejus incurrat et excommunicationi subjaceat Conservantes autem hec eorundem apostolorum et nostram benedictionem et gratiam consequantur Amen amen amen Datum Laterani per manum Americi sancte Romane ecclesie diaconi cardinalis et cancellarii decimo quarto kalendas Maii indictionis secunde incarnationis dominice millesimo centesimo tricesimo nono pontificatus vero domini Innocentii pape secundi anno decimo