Charter Document - 05191633
| Charter Number: | 05191633 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1261 |
| Date type: | Assigned |
| Resource Link(s): |
|
Charter:
Ex parte venerabilis fratris nostri Coventr et Lich episcopi fuit propositum coram nobis quod ad ipsum in ecclesia sancte Marie de Staff et quibusdam capellis ad eam spectantibus sue diocesis utpote sibi lege diocesana subiectis spectat iura episcopalia exercere necnon de causis cognoscere omnium servitorum ministrorum et parochianorum ecclesie ac capellarum ipsarum que noscuntur ad forum ecclesiasticum pertinere idemque episcopus extitit ac predecessores sui extiterunt ab antiquo in quasi possessione exercendi iura ipsa et de causis huiusmodi cognoscendi Set dilecti filii decanus et capitulum ipsius ecclesie in eadem ecclesia iura ipsa et huiusmodi causarum cognitionem predicto episcopo subtrahentes indebite non permittunt dictum episcopum in predictis capellis servitoribus et ministris iurisdictionem debitam exercere propter quod dictus episcopus in predictum decanum et maiores de prefato capitulo excommunicationis et ipsum capitulum suspencionis sententias auctoritate propria canonica monitione premissa exigente iustitia promulgavit Quare ex parte ipsius episcopi petebatur a nobis ut dictos decanum et capitulum super hiis compesci et easdem sententias observari faceremus