Charter Document - 05191044
| Charter Number: | 05191044 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Proposal |
| Date: | 1262 |
| Date type: | Assigned |
| Resource Link(s): |
|
Charter:
Coram vobis discreti viri commissarii venerabilis patris Wigorniensis episcopi et venerabilium virorum abbatis Sancti Edmundi et cantoris ecclesie Sancti Pauli London iudicum a sede apostolica delegatorum dicit et proponit procurator venerabilis patris Coventr et Lich episcopi contra decanum et capitulum ecclesie seu capelle Sancte Marie Staff quod ad ipsum dominum suum in dicta ecclesia seu capella Sancte Marie de Staff et capellis ad eam spectantibus Coventr et Lich diocesis utpote lege diocesana subiectis eidem domino suo spectat iura episcopalia exercere necnon cognoscere de causis omnium servitorum ministrorum et parochianorum ecclesie ac capellarum ipsarum que noscuntur ad forum ecclesiasticum pertinere idemque dominus suus extitit ac predecessores sui extiterunt ab antiquo in quasi possessione exercendi iura ipsa et de causis huiusmodi cognoscendi Set dicti decanus et capitulum ipsius ecclesie in eadem ecclesia et capellis prefatis iura ipsa et huiusmodi causarum cognitionem predicto domino suo indebite subtrahere molientes non permittunt ipsum dominum suum in predictis ecclesia et capellis servitoribus ministris et parochianis iurisdictionem debitam exercere propter quod idem dominus suus in Simonem quondam decanum dicte ecclesie Sancte Marie Staff magistrum Adam de Phileby et Philippum Lepere canonicos eiusdem ecclesie excommunicationis et in ipsum capitulum suspensionis sententias auctoritate ordinaria canonice promulgavit Quare petit idem procurator nomine procuratorio pro domino suo memorato per vos vel per iudices principales seu alios ipsorum commissarios iura episcopalia in predictis ecclesia et capellis servitoribus ministris et parochianis ipsorum ad eundem dominum suum iure episcopali pertinere sententialiter declarari et dictos decanum et capitulum super predictis compesci et ut predicto domino suo tanquam diocesano suo obediant et intendant condempnari sententialiter et compelli et dictas sententias excommunicationis in predictos Adam et Philippum et suspensionis in capitulum ratas observari Premissa proponit dictus procurator non artans se vel dominum suum ad probationem omnium premissorum nec in ea forma qua proposita sunt set vel omnium vel aliquorum in ea forma vel alia que sibi vel domino suo sufficere debeant ad victoriam cause sue