Charter Document - 05191042
| Charter Number: | 05191042 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos littere presentes pervenerint magister Simon de Balidon domini episcopi Coventr et Lich officialis salutem Quoniam quamplures vicarii perpetui in ecclesiis religiosorum per provincias ministraturi minus habent sufficientem sustentationem ad onus suum divino officio portandum ideo ex auctoritate venerabilis patris Cantuariensis archiepiscopi et ceterorum episcoporum provincialium decretum est ut portiones eorum qui minus habent canonice augmententur Cum vero nos per legittimam taxationem et estimationem per sacramentum bonorum virorum et fidedignorum fideliter factam pro certo receperimus quod portio Rogeri vicarii de Ansteley consistens in minutis decimis et obventionibus ad altare spectantibus taxata per sacramentum predictorum ad valentiam l solidorum minime est ad ipsius sustentationem insufficiens etiam ecclesie spectans ad proprios usus monialium de Pollesworth que taxata est in decima bladi totius parochie singulis annis et communibus ad valentiam xxiiii marcarum nos quidem predicta auctoritate necnon auctoritate domini nostri Coventr et Lichf episcopi habito concilio virorum discretorum dictas taxationes et portiones conferentium predicto vicario quintam garbam decime totius bladi provenientis in tota parochia de Ansteley in augmentationem vicarie sue assignavimus et auctoritate domini nostri in plenariam et corporalem sesinam instituimus ut ipse et successores sui vicarii in eadem ecclesia in futurum ministraturi possint in divino obsequio rationabiliter prout decet sustentari Quod tamen ipsi vicarii quicunque fuerint quietabuntur in hoc concessum est quod ad hospitium horrei abbatisse de Polesworth existens in Ansteley cariabuntur omnes decime garbarum de parochia de Ansteley et colligantur in campis sumptibus abbatisse et conventus et in horreo facta divisione eorundem in quinque partes vicarius percipiat quintam partem In cuius rei testimonium sigillum meum presenti scripto apposuimus Dat apud Erdbure die veneris proxima post festum sancti Dionysii anno MCCLXXV