Charter Document - 05191037
| Charter Number: | 05191037 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1269 |
| Date type: | Internal, A.D., Feast |
| Resource Link(s): |
|
Charter:
Acta in ecclesia cathedralis Lich in vigilia beati Iacobi apostoli anno Domini millesimo CCLX nono coram priore Sancti Iohannis Lich commissario domini thesaurarii Lich iudicis ad universitatem causarum a domino episcopo Coventr et Lich deputati In causa que vertitur auctoritate ordinaria inter dominum Henricum de Ganio Lich ecclesie canonicum per dominum Walkelinum canonicum et procuratorem suum legitime constitutum comparentem ex una parte et dominum Hugonem rectorem ecclesie de Hunesworth personaliter comparentem ex altera videlicet cum constaret per retroacta diem et locum fuisse prefixos ad contestandum in dicta causa dicens rector decem marcas ex quadem compositione cuiusdam annue pensionis duarum marcarum ecclesie de Horburn ab ecclesia de Hunesworth deberi et ab eodem rectore prenominato Henrico promissas certis terminis nunc elapsis solvendas nec dum solutas iudicio recongnovit et quinque marcas illius debiti die iovis proximo ante festum beati Laurentii martiris proximo futurum se soluturum fideliter promisit Ad quarum solutionem una cum pensione ii marcarum decetero solvendarum suis terminis sicut in obligatione inter partes confecta plenius continetur ipsum rectorem sententialiter et diffinitive dictus commissarius condemnavit ceteris quinque marcis una cum pena in obligatione contenta si ea que promissa sunt fideliter observentur penitus remissis Convenit insuper inter partes quod solutis quinque marcis littera obligatoria decem marcarum dicto rectori reddatur ita tamen quod dictus rector de Hunesworth bonam faciat prenominato Henrico securitatem quod satisfaciet decetero eidem Henrico de pensione antedicta suis terminis priori obligatione in sua firmitate nichilominus durante