Charter Document - 05191036
Charter Number: | 05191036 |
---|---|
Cartulary Title: | Coventry and Lichfield 1258-1295 Volume 44 |
Charter Language: | Latin |
Charter Origin: | Religious |
Charter Type(s): | Ordination |
Date: | 1275 |
Date type: | Internal, A.D., Feast |
Resource Link(s): |
|
Charter:
Universis sancte matris ecclesie filiis ad quos presentes littere pervenerint S de Baliden venerabilis patris R Dei gratia Coventr et Lich episcopi officialis salutem in domino sempiternam Cum per sedem apostolicam sit provide statutum quod secundum facultatem ecclesiarum vicarie ordinari debeant unde ipsi vicarii qui pro tempore fuerint iura episcopalia et archidiaconalia possint persolvere hospitalitatem facere et congruam sustentationem inde habere nos statutum dicte sedis sicut decet in omnibus prout possumus sequi cupientes vicariam de Womburn auctoritate ordinaria nobis commissa ordinamus in hunc modum videlicet quod vicarius ecclesie de Womburn percipiet imperpetuum totum altaragium unacum altaragio capelle de Tresell percipiet etiam decimam feni totius parochie de Womborn et de Trisell cum mortuario salvis priori de Duddeley et monachis omnimodis decimis maioribus et minoribus de manerio suo de Wodeforde provenientibus Percipiet autem medietatem decime garbarum de Hinnelley et totam decimam garbarum de Sivyndon tantum Sustinebit etiam dictus vicarius onera omnia ordinaria ac dicte ecclesie de Womburn cum capellis de Trisell et de Hinnelley honeste faciet deservire ac in eisdem debita et consueta inveniet nec aliquam decetero solvet decimam de terra illa quam habet de feodo ecclesie pertinenti ad vicariam In huius autem nostre ordinationis munimine huic scripto sigillum officialitatis fecimus apponi Dat Lich die iovis proxima post festum sancti Barnabe apostoli anno Domini MCCLXX quinto