Charter Document - 05191033
| Charter Number: | 05191033 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1260 |
| Date type: | Internal, A.D., Feast |
| Resource Link(s): |
|
Charter:
Acta in maiori ecclesia Lich die mercurii proxima post festum sancti Iacobi apostoli coram magistro R de Mepham officiali domini Coventr et Lich episcopi anno Domini MCC sexagesimo In causa appellationis que vertitur inter abbatem et conventus de Castell ex parte una et priorem de Conventr ex altera partibus in iudicio sufficienter comparentibus cum datus esset dies ad proponendum omnes exceptiones dilatorias propositis ex parte dicti prioris quibusdam exceptionibus dilatoriis quarum copia tradita fuit procuratori dictorum abbatis et conventus sub sigillo iudicis Prefixit iudex diem partibus loco quo prius scilicet diem veneris proximam post festum sancti Michaelis ad faciendum in dicta causa quod postulaverit ordo iuris Et sciendum est quod procurator dictorum abbatis et conventus in iudicio protestabatur dictum dominum priorem non fuisse vocatum nec libellum eidem fuisse concessum ut cum eo directe experiretur Sed idem prior fuerat vocatus ut in causa appellationis mota inter dictos abbatem et conventus ex parte una et dominum Iohannem perpetuum vicarium ecclesie de Herdewic ex altera compareret si sibi expedire videret facturus et recepturus in eadem quod postularet ordo iuris Et quia dictus prior per procuratorem in iudicio comparuit et editionem sibi fieri a prefatis abbate et conventu instanter petiit iudex editionem sibi fore faciendam interloquendo decrevit quam sub signo eiusdem iudicis optinuit