Charter Document - 05191024
| Charter Number: | 05191024 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
I de Weston venerabilis patris R Dei gratia Conventrens et Lich episcopi commissarius generalis discreto viro domini archidiaconi Stafford officiali salutem in salutis auctore Ex inspectione processus habiti coram discreto viro magistro R de Sancto Petro predecessore meo inter religiosos viros abbatem et conventum de Burth ex una parte et dominum Hugonem rectorem ecclesie de Grendon ex altera super quadam annua pensione quatuordecim solidorum quam dicti abbas et conventus sibi deberi asserebant ab ecclesia de Grendon antedicta annuatim michi innotuit quod partibus in iudicio constitutis idem Hugo dictam pensionem eis deberi expresse confitebatur et ipsum soluturum eandem eisdem prestito corporali sacramento firmavit ab illa hora in antea et quatuor solidos de arreragiis temporis transacti Et hoc idem Hugo iure iurandi religione neglecta minime observavit ut dicunt Quocirca vobis mando in virtute obedientie firmiter iniungendo quatinus dictum Hugonem moneatis et efficaciter inducatis ut citra festum sancti Luce ewangeliste satisfaciat dictis abbati et conventui in viginti et uno solidos et inposterum solvat ut promisit alioquin citetis eundem peremptorie quod compareat coram me vel vices nostras gerente in crastino dicti festi facturus in premissis quod iustitia suadebit Qualiter autem hoc mandatum fueritis executi me dictis die et loco per litteras vestras patentes harum seriem continentes reddatis certiorem Dat apud Lich in crastino sancti Michaelis anno Domini MCC septuagesimo sexto Ego R officialis Stafford hoc mandatum sum exequtus in cuius rei testimonium presentibus sigillum officialitatis apposui