Charter Document - 05191022
| Charter Number: | 05191022 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1271 |
| Date type: | Internal, A.D., Feast, Lunar |
| Resource Link(s): |
|
Charter:
Acta in consistorio episcopali Lych die lune proxima post festum ascensionis domini anno eiusdem domini MCCLXX primo coram magistro Roberto de Sancto Petro venerabilis patris domini Coventr et Lych episcopi commissario generali In causa que vertitur inter religiosos viros abbatem et conventum Burth per Ricardum de Langedon clericum procuratorem suum legittime comparentes ex parte una et Hugonem rectorem ecclesie de Grendon et Henricum capellanum procuratorem rectoris ecclesie de Blore legittime et personaliter comparentes ex altera partibus in iudicio constitutis cum proposuisset procurator dictorum religiosorum contra rectorem ecclesie de Grendon ipsam ecclesiam esse pensionariam monasterio Burthon ac ipsum rectorem in solutione ipsius pensionis scilicet xiiii solidorum annuorum per aliqua tempora cessasse idem rector confitebatur se dictis religiosis et eorum monasterio ecclesiam suam de Grendon in predicta pensione et prestatione annua teneri et adhuc in quatuor solidis de arreragiis pensionis eiusdem tenebatur eisdem Quo condemnato et ad ipsius supplicationem diem optinente de consensu partis adverse ad ipsa arreragia solvenda in festo proximo nativitatis beati Iohannis baptiste iuravit idem rector tactis sacrosanctis quod dictam pensionem fideliter de cetero ex tunc in futurum solveret ad terminos consuetos et penam apposuit et stipulatus est unius dimidii marce ad fabricam matricis ecclesie Lych solvendi si in solutione debita de cetero aliquatenus sit cessatum Dicto domino Henrico capellano procuratore rectoris ecclesie de Blor simili confessione faciente de ipsa ecclesia de Blore quod monasterio predicto est pensionaria in una marca annua et adhuc in xl denariis nomine arreragiorum teneri diemque predictum optinente omniaque faciente dum procurator gerit officium prout superius est expressum et fideliter promittente