Charter Document - 05191021
| Charter Number: | 05191021 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
R de Sancto Petro venerabilis patris domini Coventr et Lych episcopi commissarius generalis decano de Alveton salutem in auctore salutis Cum constet nobis evidenter rectorem ecclesie de Grendon et Henricum capellanum procuratorem rectoris ecclesie de Blor propter eorum manifestam et multiplicatam contumaciam excommunicationis esse sententia innodatos iidemque sui iudicis presentiam et claves ecclesie contempnendo adhuc in eadem excommunicationis sententia pertinaciter perseverent cum nil obedientia prodesse humilibus si contemptus contumacibus non obesset et crescente contumacia pena crescere debeat iustitia exigente vobis mandamus in virtute obedientie firmiter iniungentes quatinus ipsam excommunicationis sententiam innovantes predictos contumaces excommunicatos pulsatis campanis et accensis candelis per totum decanatum vestrum solempniter nuntietis inhibentes publice sub censura simili ne quis communicet cum eisdem quousque absolutionis beneficium meruerint optinere et citetis eosdem nichilominus peremptorie quod compareant coram nobis seu alio dicti domini episcopi commissario vel nostro in consistorio episcopali Lych die martis proxima post festum ascensionis domini religiosis viris abbati et conventui de Burthon responsuri et penam pro meritis recepturi Valete Dat Lych in crastino dominice qua cantatur misericordia domini anno eiusdem domini MCCLXX primo