Charter Document - 05191019
| Charter Number: | 05191019 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
R Lych ecclesie thesaurarius venerabilis patris domini Coventr et Lych episcopi commissarius generalis decano de Alveton salutem in auctore salutis Quia rectorem ecclesie de Grendon et Henricum capellanum procuratorem ecclesie de Blore propter eorum manifestam et multiplicatam contumaciam ab ingressu ecclesie suspendimus vobis mandamus firmiter iniungentes quatinus ipsos sic a nobis suspensos in ecclesiis de Grendon et de Blore publice denuntiari faciatis et nichilominus citetis eosdem iterato et peremptorie quod compareant coram nobis vel vices nostras gerentes in consistorio episcopali Lych die veneris proxima post festum annuntiationis beate Marie virginis religiosis viris abbati et conventui de Burth responsuri et iuri parituri Ad hec citetis Robertum dominum de Acovere quod dictis die et loco coram nobis compareat eisdem religiosis responsurus alioquin ipsum in pristinam excommunicationis sententiam reducemus Ad hec citetis peremptorie dominum Reginaldum rectorem ecclesie de Leg quod simili modo coram nobis compareat dictis religiosis responsurus et secundum formam retroactorum processurus et recepturus quod iustitia suadebit et quid super hiis feceritis nobis vel commissario nostro dictis die et loco per litteras vestras patentes constare faciatis Dat Lych die martis proxima ante festum beati Gregorii pape anno Domini MCC septuagesimo