Charter Document - 05191018
| Charter Number: | 05191018 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
R Lych ecclesie thesaurarius venerabilis patris domini Coventr et Lych episcopi commissarius generalis decano de Alveton salutem in auctore salutis Cum de Blore et de Grendon ecclesiarum rectores citati essent coram nobis ad instantiam religiosorum virorum abbatis et conventus Burth ac iidem ad diem et locum assignatos nullo modo comparere iurarent licet eorum contumaciam potuissent merito punivisse ad presens tamen parcentes eisdem ob gratiam specialem vobis mandamus quatinus iterato citetis ipsos vel eorum procuratores peremptorie quod compareant coram nobis vel commissario nostro in consistorio episcopali Lych die martis proxima ante festum beati Gregorii pape dictis abbati et conventui responsuri et iuri parituri et quid inde feceritis nobis vel commissario nostro dictis die et loco per litteras vestras patentes constare faciatis Dat Lych die sabbati proxima post festum sancte Scolastice virginis anno Domini MCC septuagesimo