Charter Document - 05191017
| Charter Number: | 05191017 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1253 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis presentem paginam inspecturis vel audituris Thomas precentor Radulphus thesaurarius Lych ecclesie et magister Radulphus de Lacok eiusdem ecclesie canonicus salutem Universitati vestre presentium tenorem notum facimus quod cum inter venerabilem patrem Rogerum Dei gratia Coventr et Lych episcopum et dominum Adam archidiaconum Cestr super iurisdictione archidiaconali in ecclesia et parochia de Wybbenbur suborta esset materia questionis tandem dictus dominus episcopus et archidiaconus prefatus super iurisdictione predicta sponte nostre ordinationi se submiserunt promittentes se ratum habituros et gratum quicquid super eadem iurisdictione ordinaremus Nos vero diligenti inquisitione prehabita tam super iure dicti domini episcopi quam domini archidiaconi in hac parte cupientes inter eosdem et eorum successores pacem perpetuam observari deum habentes pre oculis in hunc modem duximus ordinandum videlicet quod episcopus quicumque fuerit habeat omnem iurisdictionem in ipsa matrici ecclesia personis vicarii et clericorum ministrantium in eadem et sinodalia et duas partes denariorum beati Petri totius parochie imperpetuum Et archidiaconus qui pro tempore fuerit habeat iurisdictionem archidiaconalem in omnibus capellis eiusdem parochie et etiam in capellanis et ministris ministrantibus in eisdem et omnibus parochianis totius parochie et tertiam partem denariorum beati Petri quam percipiet per manus capellani qui pro tempore ministraverit in capella de Copenhal et hiis contentus amplius in predictis exigere non possit Et debet ista ordinatio communi instantia a capitulo confirmari Huic scripto sigilla nostra duximus apponenda Actum apud Heywod in vigilia sancti Thome apostoli anno Domini millesimo CCL tertio in presentia dicti domini episcopi et prefati domini archidiaconi ac magistri Henrici de Wicghawe domini Walkelini de Houton canonicorum Lych domini Willelmi rectoris ecclesie de Suham domini Willelmi canonici ecclesie Sancti Iohannis Cestr et aliorum