Charter Document - 05191016
| Charter Number: | 05191016 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1248 |
| Date type: | Internal, A.D. |
| Resource Link(s): |
|
Charter:
Venerabili in Cristo patri ac domino reverendo R Dei gratia Coventr et Lich episcopo suus si placet R de Linton officialis archidiaconi Coventr salutem cum omni reverentia et honore Noverit reverenda paternitas vestra me ad mandatum vestrum vocato rectore ecclesie de Wlfamcot super vicaria eiusdem loci ad quam Henricus capellanus de Rokeby per dominum G de Lang militem est presentatus in pleno capitulo de Merton diligentem fecisse inquisitionem que dicit quod dicta vicaria vacans est eo quod Robertus Forintin aliquando vicarius eiusdem vicarie aliam habet vicariam et quod dicta vicaria consistit in obventionibus oblationibus et minutis decimis et quod [] est elapso iam spatio quadraginta annorum et amplius et quod estimata est ad valentiam octo marcarum et dimidii Dicit etiam quod dictus G de Lang ius habet patronatus eiusdem vicarie ratione custodie heredis Roberti le Bret Dicit etiam quod Walterus predictus Forintin rector ecclesie de Wlfamcot ultimo presentavit ad dictam vicariam assensu R de Lathum tunc temporis custodis feudi de Wlfamcot ad personam presentati Dicit ipsum esse virum laudabilem testimonii et honeste conversationis Item comparuit Ricardus capellanus de Wlfamcot in habendo mandatum et appellavit ne aliquid fieret in preiudicium rectoris ecclesie de Wlfamcot nullam assignando causam seu appellationem In cuius rei testimonium reverendo paternitati vestre has litteras patentes transmitto Valeat reverendus paternitas vester semper in domino Dat die iovis proxima post festum sancte Lucie virginis apud Francheton anno Domini MCCXL octavo