Charter Document - 05191011
| Charter Number: | 05191011 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1249 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos scriptum pervenerit magistri Henricus de Wyssawe domini Coventr et Lich episcopi Ricardus de Linton archidiaconi Coventr officiales et magistri Ricardus rector ecclesie de Anesty et Symon de Sancto Mauro rector ecclesie de Pakynton ex parte prioris et conventus Coventr electi et iurati salutem in domino Noverit universitas vestra quod cum a venerabilibus et discretis dominis W de Kilkenn archidiacono Coventr Ricardo de Glouc thesaurario Lich et eorum sociis taxata esset vicaria in ecclesia Sancti Michaelis Coventr ad viginti quatuor marcas per dominorum Coventr et Lich episcopi et archidiaconi Coventr officiales et per duos viros electos et iuratos ex parte prioris et conventus Coventr in certis dicte ecclesie proventibus assignandas nos ad hoc specialiter deputati concurrente tam dictorum prioris et conventus Coventr consensu quam Ricardi de Sallawe capellani ad eandem vicariam ab eisdem presentati predictam assignationem sic duximus faciendam videlicet quod vicarius qui pro tempore fuerit percipiat perpetuo omnes oblationes et obventiones decimas et proventus ad dictam ecclesiam spectantes exceptis omnino fructibus et proventibus capellarum extra civitatem Coventr sitarum cum earum pertinentiis exceptis etiam decimis bladi et feni molendinorum agnorum et lane omnibus principalibus legatis redditibus et servitiis hominum tenentium de ecclesia memorata que dicta omnia prior et conventus percipient antedicti Insuper vicarius solvet eisdem annuatim centum solidos sterlingorum ad quatuor terminos anni scilicet ad festum sancti Iohannis baptiste xxv solidos ad festum sancti Michaelis xxv solidos ad festum natalis domini xxv solidos et ad festum annuntiationis beate Marie virginis xxv solidos pro decimis parochialibus que inter oblationes solebant diebus dominicis offerri salvo in omnibus tenore ordinationis facte a supradictis viris videlicet dominis W de Kilkenn et Ricardo thesaurario Lich et eorum colligiis inter dictum Rogerum Coventr et Lich episcopum et priorem et conventum super ecclesia memorata et aliis in prefata ordinatione contentis Et in huius rei testimonium huic scripto signa nostra duximus apponenda Dat apud Coventr anno Domini MCCXL nono die sanctorum Tyburtii et Valeriani martirorum