Charter Document - 05191010

Charter Document - 05191010


Charter Number: 05191010
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Notification
Date: 1249
Date type: Internal, A.D., Feast
Resource Link(s):

Charter:

Omnibus Cristi fidelibus ad quos presens scriptum pervenerit magister Henricus Wishall domini Coventr et Lich episcopi officialis Ricardus de Lynton archidiaconi Coventr officialis et magister Ricardus rector ecclesie de Anestie et Symon de Sancto Mauro rector ecclesie de Pakinton ex parte prioris et conventus Coventr electi et iurati salutem in domino Noverit universitas vestra quod cum a venerabilibus et discretis dominis Willelmo de Kelkenie archidiacono Coventr Ricardo de Gloucestr thesaurario Lich et eorum sociis taxata esset ecclesia de Allesley ad consuetam debitam certitudinem per domini Coventr et Lich episcopi et archidiaconi Coventr officiales et per duos viros electos et iuratos ex parte prioris et conventus Coventr in certis dicte ecclesie proventibus assignandam nos specialiter deputati concurrentes tam dictorum prioris et conventus consensu quam rectoris ineuntis eandem ecclesiam per dominum de Hasting presentati predictam assignationem sic duximus faciendam videlicet quod rector qui pro tempore fuerit percipiat perpetue omnes oblationes et obventus decimas et proventus ad dictam ecclesiam spectantia exceptis vero ecclesie Coventr pro sepultura vis viiid annuatim solvendis exceptis etiam decimis parci eiusdem ville et omnibus decimis personalibus que inter oblationes solebant offerri diebus dominicis quia dominus de Hasting patronus predicte ecclesie relaxavit ecclesie Coventr communiam suam libere in Coventr Coundulne et hamletis circa eadem salvo in omnibus tenore ordinationis facti a supradictis viris videlicet Willelmo Kelkenie et Ricardo thesaurario Lich et eorum collegis inter dominum Rogerum Coventr et Lich episcopum et priorem et conventus super ecclesia memorata et aliis in presenti ordinatione contentis Et in huius rei testimonium huic scripto signa nostra duximus apponenda Acta apud Coventr anno Domini MCCXLIX die sanctorum Tiburtii et Valeriani martiriorum