Charter Document - 05191007

Notum sit omnibus quod cum inter Laurentium abbatem et conventum Burton et Ricardum perpetuum vicarium ecclesie de Overa ex una parte et dominum Petrum de Thok dominum de Potlak ex altera super cantaria capelle de Potlak et super decimis feni piscarie et molendinorum dicti domini Petri in territorio de Potlak coram domino David de Sancta Frideswida tunc archidiacono Derbeie auctoritate ordinaria questio verteretur tandem post multos et varios iudiciorum strepitus partes coram domino Radulpho de Chaddesden tunc thesaurario Lich ecclesie tunc gerente vices venerabilis patris Rogeri Dei gratia Coventr et Lich episcopi personaliter comparuerunt in cuius presentia de voluntate partium et consensu expresso lis amicabiliter conquievit sub hac forma scilicet quod dictus dominus Petrus et heredes sui cantariam in capella de Potlak habebunt et sepulturam et baptisterium prout antea habere consueverunt et tam ipsi quam eorum homines de Potlak omnia alia ibidem percipient sacramenta ecclesiastica et hoc per vicarium ecclesie de Overa nisi forsitan dictus vicarius capellano de Potlak vices suas in hac parte dignum duxerit committere Prefatus vero Petrus et heredes sui capellanum et clericum ydoneos invenient et capellam cum libris et ornamentis ceterisque ad divinorum celebrationem necessariis sumptibus propriis sustentabunt imperpetuum et cum fuerit capellanus ad celebrandum in capella admittendus primo presentetur vicario qui pro tempore fuerit et cum fuerit ab eo approbatus vicarius eum presentet loci archidiacono qui cum fuerit admissus antequam celebret in dicta capella corporale prestabit sacramentum quod matricem ecclesiam de Overa in omnibus conservabit indempnem et quod nichil percipiet in capella nisi tamen stipendia sua a dicto domino Petro et suis heredibus ei assignanda Dictus vero capellanus erit absque omni cura parochiali nec in aliquo se intromittet de parochia sed tamen habeat potestatem missam in capella celebrandi Parochiani vero de Potlak terram tenentes exceptis domino et domina et eorum heredibus et eorum familia singulis annis in die beati Nicholai eorum matricem ecclesiam de Overa visitabunt Dictus vero Petrus pro se et heredibus suis fideliter promisit quod inposterum integraliter absque omni diminutione decimas feni piscarie et molendinorum apud Potlak provenientes absque omni contradictione prefatis abbati et conventui et vicario solvent inperpetuum Abbas quidem et conventus decimam totius piscarie et medietatem decimarum molendinorum et feni percipient Vicarius siquidem qui pro tempore fuerit aliam medietatem percipiet Et cum super premissis quamplures et diverse facte fuerant impetrationes hinc inde partes sponte et precise omnibus impetratis et impetrandis in hac parte imperpetuum renuntiaverunt ut igitur hec omnia predicta robur firmitatis imperpetuum optineant Sigilla partium una cum sigillo predicti domini Radulpho de Chadd thesaurarii Lich ecclesie scriptis inter eas confectis [] sunt appensa Hiis testibus magistro Radulpho de Chadd tunc thesaurario Lich ecclesie domino Hugone de Menyl Willelmo de Roveston clerico Radulpho de Tikenal Henrico de Thok Rogero de Thok Waltero Daubeny tunc constabulario Tutesbur Willelmo de Esseburn tunc senescallo Burton Willelmo de Hyrland Willelmo vicario ecclesie de Stapenhull Leonio rectore ecclesie de Trusseleg Henrico de Coventr Rogero de Pivelesdovere et aliis Actum anno gratie millesimo ducentesimo quinquagesimo quinto in die sancti Mathei apostoli et ewangeliste