Charter Document - 05190664
| Charter Number: | 05190664 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1295 |
| Date type: | Internal, A.D., Feast |
| Resource Link(s): |
|
Charter:
Memorandum quod anno Domini millesimo CC nonogesimo iiii die iovis proxima post festum conversationis sancti Pauli comparuit coram nobis R permissione divina Coventr et Lich episcopo Willelmus Randolf de Novo Burgo ex parte una et Henricus de Tonge procurator Iohannis de Schulton perpetui vicarii de Dreyton in Hal ex parte altera videlicet cum constaret nobis prefatum vicarium peremptorie coram nobis fuisse vocatum super cantaria capelle de Wodecote Tandem predictus procurator eiusdem vicarii confitebatur dominum suum teneri ad cantariam predictam ita videlicet quod tribus diebus in singulis ebdomadis scilicet feria secunda quarta et sexta ac diebus Dominicis et similiter in omnibus festis novem lectiones habentibus Willelmo Randolf et eius successoribus et parochianis predicte capelle de Wodecote officia divina celebrent et ministrent et prefato Willelmo et eius successoribus ac parochianis predicte capelle de Wodecote cum necessitas exigerit crisma et oleum infirmantibus administrent et parvos eorundem baptizent mulieres parochianas capelle predicte post partum purificent et alia sacramenta eisdem parochianis in capella predicta ministrabunt salvis decimis et obventionibus de prefato Willelmo et suis heredibus ac etiam salvis corporibus parochianorum capelle predicte decedentibus matrici ecclesie de Hal quod nullum preiudicium eidem ecclesie de Hal pretextu huius ordinationis generetur Propter quod nos confessionem eiusdem procuratoris secuti prefatum vicarium in persona procuratoris sui predicti ad observationem predicte cantarie seu ad eandem perpetuo faciendam per se seu aliquem capellanum ad hoc ydoneum sententialiter et diffinitive condempnamus executionem prefate sententie nobis et successoribus nostris reservantes Dat apud La Lee die et anno supradictis